Kum 7 aphapan naupangkhat akhut langnih in kol kibulhsak ahih manin lamdang kisa
USA, Texas State sungah naupang kum 7 aphapan khat Police te’n akhut anunglam ah alangnih in kolbulh in akeplaitak Photo kikhah khiamawk ahih manin lamdang kisa mahmah hi.
Dallas ISD te genkhiatna ah tua naupang pen acingtaklo “Special Needs” khat hi a, amahleh amah aki liamsak khakding dalna in akhut kol akibulh hi ci’n genkhia cih Fox News pan kiza hi.
Naupangno ii anu apa te’nzong hihbangin ata uh kol kibulh in akikep pen kozong theikha kei ung, bangmah hongki zasakkei. Hoihtak hongki gencian tapeuhhen ci’n genkhia uhhi.
Hih thuthang pen nungkal May 09 ni in Gabe B. Allen Charter School ah thupiang hi a, bangthu liangtak piangin atapa kol kibulhsak hiam cihpen anu apa te’n kiciantak in akigending lunggulh uhhi.
Naupangno pen DISD Police Officers nih kikal ah akhut alangnih in kol kibulhsa in dingkelkal hi. Hih Photo amukha khempeuh inzong lamdangsa in athu atheiciannuam tammahmah hi.
Hih naupangno pen acingtaklo ahih manin atuamdiak in akikem ahihi. Anu in agenkhiatna ah nungkal Tuesday ni in atapa hongla un ci’n hongkisam ahih manin sanginn panin kaciahpih cihi.
Atapa pen “Special Needs” khat hi a, tuabang in sanginn ah koihin dawnkikzel uhhi. Nungkal in sanginn thunei te’n atapa pen amahleh amah aki liamsak khakding leh midang te anawngkaisak khakding dalkholhna in Mental Facility ah kipuak ci’n gen uhhi.
Student Privacy Laws tawh kizui in tua naupang vai DISD te’n akician in ki kuppih theilo cihi. Ahi zongin Social Media tuamtuam ah aki thehthang Photo pen atapa amahleh amah ki sukliam khakloh nadingin kidalna in kol akibulh cihi.
More: Sangnaupang kum 8 khat sanginn ah simmawh bawlsiat athuakzawh ninih khitciang in ki gui awk
Ahi zongin naupangpa ii innkuanpih te’n hih naupang akepzia pen nulepa kihelna omsaklo ahih manin thukhun zuilo uhhi ci’n genkhia uhhi. ZD Sawltak #zomidaily
Comment piaknop aomleh...