China ah naupang kum 6 aphakhin khat in Beer adawn laitak Video kizaih in nungsungteng Social Media tungah ki thehzak gawp hi. Tua Video sungah kum 6 bek aphapan Zhang Wang kici naupangno in Beer thawlkhat tawh amehpih tawh neziahziah, dawnziahziah lel hi.
Chinese Media te genkhiatna ah hih naupangno in Beer thawl 2 bang dawnkhat in gaizo hi cimawk uhhi. Ahi zongin anu inbel haikhatta khawngbek dawnzel ci’n genkhia cihi.
Hih naupangpa pen China, Sichuan pan hi a, tukum kipatlam inzong amit puantawh hencip in khau kikhung tungah paithei ahih manin, News tuamtuam ah Headlines in limsuak mahmah ngei hi. Gong Fu akisin khat ci a, Rock Climbing khawngzong akiva mahmahkhat cihi.
Video: Naupang khatin Beer adawn laitak
https://www.youtube.com/watch?v=UGjc8nfsYR4
Khau kikhung tungah mikihencipsa khawngin apaitheih pen kipakta mahmah a, ahi zongin azudawn theihpen naupanglai ahihtawh dik kisa hetlo hi.
Ahi zongin anu apa leh api apu te’n hih naupang kum 6 ii zudawn pen bangmah phamawh saselo uh cimawk hi. Apa in agenna ah katapa in khuahun asat mahmah ciangin Beer tawmkhawngbek adawn hi ci’n genkhia hi.
Related: Japan Company khatin Mandalay Beer Company leisawm ~ ZD
Atapa kiangah Media te’n zudawn lim nasakmah ahia ci’n adot uhciang in lim kasamah a, kapa tawh ka dawnkhawm zel uh cisawnsawn hi.
Technology khangto mahmah in, khuaneu khuata khatah thupiang pen leitungbup in tomno khatsungin atheihzak hun hita hi. Ih tate ih pattahdan, akepdan, ih satdan cihte akipan akilawmlolua aomleh leitungbup in mawhsak mahmahziau thei cih phawk huai hi. Tate pattahdan asiamding in Zomi te Topa’n thupha hongpia tahen! Sawltak #zomidaily
Comment piaknop aomleh...