19.11.2014 Tuni leitung thuthang te

19.11.2014 Tuni leitung thuthang te

KAWLGAM THUKHUN TE LAIHPAK SAWM LO.
Kawl gam Parliament speaker Thura U Shwe Mann in Kawlgam thukhun te kitel ma in laih lo ding ci in gen hi.Maikum 2015 May kha ah mipi deihna lakmasa sawm in,tua pan result(aphi) te pen 2015 kitel na man khit a kingah result te tungtawn in bawl pha ding ci in U Shwe Mann in gen hi.

ZING BIAKPIAK NEIH LAITAK IN THAT
Israel gam Jerusalem khuapi nitumna lam a om Jews te biak inn ah Nov.18 ni zingsang lam in Palistenians minih ii thau leh sasem te zat heipi te tawh simna hang in mi 5 si in mi 7 liam hi.Hih mi nih te in zing biakpiakna nei mi 25 kim a om te sim uh a,Palik te in tua migilo nih te kap lum pah uhhi.Hih minih te hang in U.S gam mi hihna anei Rabbi Mashe Twersky kum 59,Arieh Kupinsky kum 43,Kalman Levi kum 55leh UK gam mi hih na nei Avranham kum 68 si in,Palik pa ahih leh aliamna nasia lua ahih man in si hi.Hih thu hangin Israel PM Netanyahu in Hamas te leh Palestinian President Abbas in hamthawn na hi ci in mawh siat a,Hamas te in hih bang a agamta mite phat mahmah uhhi.

INDIA AH KAWLGAM MI KHAT KIMAN
Nungkha a West Bengal a inn sung ah bomb puakkham na hang in akimemat kawlgam mikhat Hyderbad ah India anti-terrorist Paqlik te in Monday ni in man uhhi.Hih bomb pen amau bawl tawn hi in,hih Kawl gam mi ahi Khalib Mohanmed pen Bangaladesh a Islamic Jamaatul te tawh kizom ci in gen hi.Tua ban ah Kawlgam gamgi a om RSO akici Rohingya gam nuai mi te tawh akipawl khat zong hi ci in gen hi.

HELICO[TER KIA
Thai gam ah galkap te tuan na helicopter khat kiatna hang in atung a tung mi 9 te si hi.Hih pen Bangkok khuapi pan in 590 km(370 mile) a omPhayao gam kee a om galkap camp pan hi in,alengkhiat zawh asawtlo in kia hi.Hih helicopter pen engine bell nih akizang te hi in,bang hang a kia thei cih pen galkap lam te in gencian theinai lo uhhi.Akiatna na pen bawngnai kung kiciin na ah kia in,khua mi te in mu in helicopter pen mei in kantum hi.

HONGKONG THUNEI TE IN HEMKHIA
Nov.19 ni zing lam in Hong Kong ah mipi lungkimlo pawl khat leh Palik te kibuaina hang in mi thum mam uhhi.Palil te in kidal na ding te leh mipi te kikhenthang sakna ding in sasan vui te keng uhhi.Nov.18 ni inHongKong khuapi laizang a sang naupang lungphona neite omna te lakpan munkhat pen HongKong thunei te in Thuken te thupiak na hang in hemkhiatna nasem uhhi..Hih bang a ahepkhiatna hang uh pen tua kim a inn nei te in thunei te tung ah report(tai na) hang hi.Lungpho na nei te in Citic tuasang apaulam dalcip a kikhak tan na nei uh a,tua dalna te pen lakhia ding in thukhen zum te in thupia hi.Hih bang in thunei te in ahepkhiat uhciang in sang naupang te in lehdo lo in huh na paw khat in pia zaw sop uhhi.Sang naupang te in Sept.18 akipan lungpho na nei uh a, amu deih na in 2017 kum a kitel na ah Democracy bang a kitel ding deih in,ahih hang Sen kumpi te in amau deih te bek mipi in tel thei ding cihi.

BRID FLU
Netherland gam ah brid flu natna omna hang in ak 150,000 te that uhhi.Tukha kipat lam in German gam ah hih natna kimu in,Tua ahih maqn in Europe gam ah Netherland gam pen hih natna akizelh na gam nih na ahihi.Hih virus pen manlang mahmah ahih man in aksa,vatawtsa,aktui leh amau ii anian te ni thum sung puakloh dingin kham uhhi.UK gam Yorkshin gam kim vatawt khawi na ah birdflu om ci in Britain thu nei te in gen a, vatawt te that uhhi. Ref: bbc, 7days daily, voa, j.post, afp Cin Ngaih