Kum 13 aphak akipan apano in buan athuak numeino naupaai ta

Kum 13 aphak akipan apano in buan athuak numeino naupaai ta

Malaysia gamsung ah papi khatin numeino khat kum 13 aphak akipan buan (Rape) zelzel a, tu’n tua numeino in naupaai ta cih theStar pan kiza hi. Kota Kinabalu sungah thupiang hi a, lokhawh tawh akivak papi khatin kum 13 bekbek aphak akipan utlo pipi zawhthawhthu tawh aluppih zelzel kici hi.

Kum 2 sungbang tuabang in buanzelzel in, nau apaai ciangin ameltheih te’n theipan uh a, Police Report bawl uh ahih manin, tuapa kimanta cihi. Numeino pen tu in kum 15 phapan hi.

Abuanzel papipa pen kum 57 phata a, numeino ii anuleh apa abeisa kum 11 laipek in kikhen ahih manin, hih numeino pen aman akeptoh ahihi. Papar Police Chief khat ii genkhiatna ah tua numeino in ameltheih tetawh February 23 ni in Police Office ah hongpai in Report hongbawl cihi.

Police Report abawlkhit phetin tua papipa amanding in palik te kuankhiapah a, Report akibawlni mahin kimankhia pahhi.

More: Malaysia ah papi khatin atanu buan in naupaai, kha 7 phakhin

Numeino pen agilsung ah kha 2 val (10 weeks) bang phakhin ahih manin, Papar District Hospital aom siavuan te’n kemphot uh cihi. Mibuanpa zong Rape Case tawh thu kibawlding cih kiza hi. ZD Sawltak #zomidaily