Malaysia, Kuala Lumpur khuasung aom GHKL zato meikang

Malaysia, Kuala Lumpur khuasung aom GHKL zato meikang

Malaysia, Kuala Lumpur khuapisung aom GHKL (General Hospital Kuala Lumpur) meikang cih Local Media tuamtuam pan kiza hi. Tuni Saturday (March 17) sunlam 12:15pm hunpawl in meikang akipan ahihi.

Bernama te pulakkhiatna ah meikat kipatpen 12:15pm hunpawl hi a, Fire and Rescue Department tepen 12:30pm hunin ki zasakpan cihi.

GHKL panin Hospital Director asem laitak ahi Dr. Nor Akma Yusuf in agenkhiatna ah meikuang akipatna pen zato ii vankoihna Storeroom panin akipan cihi. Meikuang pen asawtlo in kiphelh theipah a, hih meikatna hangin zato nasepna Hospital Medical Services tepen bangmah nawngkaina omsaklo in kizomthei cihi.

Meikang om cih akitheih ciangin GHKL Building panin nasem leh cina te kihemkhiapah ngeingai uhhi. Fire Alarm aging akizak ciangin Medical Staff te’n Hospital Building sungah cina zatolum tepen alupna tawh tuahkhia, sawnkhia in, ageinai aom amuanhuaina Building te ah tuahkhia ngeingai uhhi.

Nurses leh Doctors te’n cina apaitheilo tepen tutna tawh ahi zongin, pawlkhat lupna tungah lumsa in ahi zongin apualam ah kaikhia, sawnkhia, zawngkhia in buaingeingai uhhi.

Hih meikatna Storage muntawh akinai mahmah in Oxygen Tanks kici huihbungpi te 163 tak aom ahihi. Tuate pen meikuang kilawhleh puakkhamding cih kipatua mahmah ahih manin, GHKL ah nasem Engineering Team te’n ahunlap in hemkhiathei uhhi. Tua Oxygen Tanks te meikuang in lawhphei hileh lauhuai mahmah dinga, Disaster dinmun tungding kici hi.

Video: Medical services at Hospital Kuala Lumpur were not disrupted by the fire at the attached National Institute of Forensic Medicine (IPFN) today, said director Datin Dr Nor Akma Yusuf.

City Fire and Rescue Department director Khirudin Drahman in agenna ah Hospital’s Engineering Team te ii amanlang in ahepkhiatna hangin meikangding tampitak phatuam hi. Oxygen Tanks te ahepkhiat khit uhciangin Electricty te avekin khakcip in, Oxygen Pipeline tengzong avekin ki khakcippah ahih manin, meikuang pen ahuaisiatding akidal hipah hi ci’n genkhia hi.

Hih meikatna akipatna ahangpen Electric mei panin Short Circuit hiding in ki ummawhphot hi.

Tuni pen Saturday tawh kituak ahih manin, tua meikatna munah nasem mi 2 bek aomni hibilbel cihi. Technician khatleh Cleaner khat, akigawm in mi 2 bek nasemin aomlaitak in meikuang akipan hi a, tuate pen anih un kum 40 gualtuak ahihi.

More: Baghdad khuasung aom zato khat meikang, naungek suakcil 11 si

Meikat akipat ciangin meikhu tawh pusuak khiathei nawnlo in, inntungdawn ah kahtosuak uhhi. Tuatepen apualam aom kahlei te panin ki honkhiathei hi ci’n City Fire and Rescue Department thunei te’n genkhia hi. Sawltak #zomidaily