Kuala Lumpur aom US Embassy kikhakding: Memorial Day
Malaysia, Kuala Lumpur khuasung aom US Embassy pen hongtungding Monday (29 May 2017) kikhakding hi. US gam ii Memorial Day ahih manin, Malaysia gamsung aom US Embassy zong aki khakding ahihi.
Kumsim in May kha ii anunung Monday nipen America gam adingin anuntakna apiakhia American Soldiers leh Veterans te zahtakna, phawkna leh pahtawina in kizangden hi ci’n Embassy in Friday ni in Statement khahkhia uhhi.
Tuaban ah Memorial Day pen American te’n innkuan ki muhkhop hunkhat inzong zangthei uhhi. Innkuan, lawmlegual te kimukhawm in, huansung ah Barbecue khawng hangkeu hilhial in, ki lawmtatna hunnuam inzong kizang hi.
Malaysia, Kuala Lumpur aom Embassy nasem te’nzong tawlngak hun Holiday in zangding uhhi. Visa, Passport, Notary Services cihbang Embassy Services khempeuh Tuesday (30 May) ciangin ki zomkik panding cih kiza hi.
Emergency vaikin, vaiphamawh mahmahte hih Embasssy Phone Number (03) 2168 5000 tawh ki hopih theiding hi. ZD Sawltak #zomidaily
Comment piaknop aomleh...