Kota Raya Complex sunga mikhemkhem Sen te satthuak

Kota Raya Complex sunga mikhemkhem Sen te satthuak

Malaysia, Kuala Lumpur khuasung aom Kota Raya Complex pen aki gimneih mahmah vanzuakna khat ahihi. Vanzuak Sen te hiphadiak a, Phone hoihmahmah khawng tawmcikcik in nadeihleh ci’n mi Customer zolkawikawi uh a, adeih taktak omleh acihnazah sangin azah 10 val in thagum tawh piasakthei uhhi.

Tuahang mahin Kota Raya Complex sungah van leivet kei un ci’n Zomi te deihsakna tawh ki zasak zelzel hi. Hihbang in Kota Raya Complex vanzuak Sen te’n akhem phatdiak pen gamdangmi te hizawdeuh a, zanni taktak ciangin Malaysia gammi te nakhemkha ahih manin buaina hongkipan ahihi.

Hih vanzuakna sungah vanlei in apai te sai ngakte’n Phone nazuak uh a, RM800 acihpen adeih taktak ciangin RM10,000 cito in thagum tawh piaksaksawm ahih manin buaina apiang hihtuak hi. Zanni Sunday ni 5pm pawl in mi 20 khawng motorcycle lukhu leh singkhuah tawikawmsa in lut uh a, asai nei vaksakgawp uhhi. Mi 2 liam a, aliam te Tung Shin Hospital ah kipuak cihzong kiza hi.

Brawl at Kota Raya mall over handphones

Zomi te zong khem athuak kitam mahmah khin a, kumpi thunei te ihkoh hangin hong huhnuam taktaklo uhhi. Hak gega in kipumkhemna te hongbeisiang leh lunggulh mahmah hang. Kota Raya Complex sakdiak aom MyDin lutna gei a Phone zuakte zong thuman hetlo, hihbangmah in thagum tawh leisakthei uh ahih manin, Zomi te kidam ciatni. ZD Sawltak #zomidaily