Tulaai Leitung Thuthang Tuamtuam updates December 20, 2015

Tulaai Leitung Thuthang Tuamtuam updates December 20, 2015

* Sen gam tawlam a om Shenzhen khuapi sung ah December 20,2015 men kicipna hang in Inn 22 kicim a mi 900 kihonkhia zota a mi 59 mangthang laai uhhi. BBC

* Russia gam Idlib Khuapi sung Vanzuakna phualpi December 20,2015 ni in nasiatak in vanlam pan bomb kikhiat a mi 43 si in 170 liam uhhi. Russia gaalvanleeng te bomb khiat hiding in ki ummawh a, Ahizong Russia te bangmah pau lo uhhi. BBC

* Yemen gam Saudi tawh gamgi dung ah Yemen Gaalkaap te leh Houthi singnuaimi te December 20,2015 ni nasiatak kikap uha, Houhthi singnuaimi 40 leh Gaalkaap 28 si uhhi. CNN

* Kenya gam Mauritius khuapi pan Piantit gam zuan a leeng khuakzin mi 459 pua a nasem 14 anei Air Frence Company te vanleeng Boeing 777 khat December 20,2015 ni zunbuuk ah bomb om ahihman in thukin in Mombasa vanlengtual kitusak hi. Thunei ten mi4manpah uha, Bomb asit phat uhleh laaikhauh tawh atuhkibawl nahi mawk ci uhhi. BBC

* South China Sea tung ah Sen ten alamtawm uh tukulh kantan in December 10,2015 ni In US te bomb tang bua Vanleeng B-52 nih aleenna peen gaalkikaap ni ci a ongzawn hi ci in Sen te hehmahmah kikappah phial ding in asokeeilaai tak Ngimna nei hikei aleeng mawkmawk hi ci in US Gaalphualpi Pentagon pan December 19,2015 ni in taangkokhia uhhi. Laupian ahitam ci ing. VOA

* Lebanon leh Israel gamgi ah Hezebollah misual te leh Israel gaalkaap te December 20,2015 ni thapaai Meikuang kikhek kawikawi uhhi. Syria gam sung ah Israel bomb khiatna hang in Helzabollah makaai khat si a tua lungkimlohna hang in Israel gam akap uh leh meikuang kikheekna piang ci in gen uhhi. CNN

Lungdam

Topa’ Thupha maw leh
Sent from my iPhone