US lasiam minthang mahmah Beyonce te nupa in ta neita uh a, apeng “Twin” ahihi ci’n Reuter te’n genkhia uhhi. Beyonce pen kum 35 phakhinta a, American singer, songwriter, actress minthang mahmahkhat ahihi.
Apasal pen Jay Z hi a, apasal zong Rapper leh Music Producer khatmah ahihi. Hihte nupa in tanu khatzong neikhin uh a, Blue Ivy kici hi. Blue Ivy pen kum 5 phakhinta hi.
Reuters te’n nausuahvai tawh kisai in Beyonce dotna neihsawm uh himahleh ki Contact theician nailo cihi. Los Angeles khuasung ah Beyonce in naupeng nei cihciangbek Celebrity News tuamtuam te’n pulakkhiaphot uh a, banghun in naunei cihleh naupeng te numei maw, pasal cihpen kuamah apulakcianthei omnailo cihi.
Music Business khempeuh lakah Beyonce pen leitung ah aminthang penpen khatin aki ciamteh hi a, Album ahawmkhiat khempeuh kideih mahmah hi.
Beyonce ii lasak te lakah aminthang mahmahkhat ahi Beyoncé – Single Ladies (Put a Ring on It)
Abeisa February khasung in Beyonce in ama Instagram tungah nau kapaai ci’n naupaai laitak Lingerie tawh akizaih Photo suakkhia hi.
Related: Hollywood Actress minthang Angelina Jolie leh Brad Pitt kikhending ~ ZD
Tua Photo pen Instagram tungah akoihzawh nai 24 sung (nikhatsung) bekbek in Like bekbek akigawm 8 Million ngahzen hi. Tua Photo pen Instagram ii tangthu sungah nai 24 sungin Like tam angah penpen in ki ciamteh hi. Sawltak #zomidaily
Comment piaknop aomleh...