Malaysia, Klang vengsung aom biakna sanginn khat meikang leuleu

Malaysia, Klang vengsung aom biakna sanginn khat meikang leuleu

Malaysia, Klang vengsung aom biakna sanginn khat meikang leuleu a, tua sanginn sungah aom mi 27 te suakta mialmial uh cih theStar pan kiza hi. Klang, Kapar vengsung aom biakna sanginn khatah Monday sunlam in thupiang hi a, sangnaupang 25 leh sangsia 2, akigawm in mi 27 aomlaitak meikang akipan ahihi.

Tua biakna sanginn pen Nurul Al-Quran tahfiz kici a, sun 2:30pm hunpawl in meikuang akipan ahihi. Meikuang pen lupna sungpan in akipan hi a, tuahun laitak in sangnaupang te innnuai Classroom sungah aomlaitak uh hibilbel hi.

Patau meikang om ci’n Fire Station te kiangah 2:45pm hunin Distress Call aki zaksak ciangin Sungai Pinang, Kota Raja, Kapar Fire Station mun 3 panin meiphelhding in Fire Engine khattek in delhpah uhhi.

Fire Fighters te’n Minute 20 sungin meikuang pen avek in phelhsiang theipah uhhi. Fire and Rescue Department’s forensic unit te’n hih meikatna bangpan kipanhiam cih hoihtak kanciantheih nadingin tua sanginn pen hoihtak in Tape tawh khakcip, umcippah uhhi.

Related: KL khuasung sanginn meikang pen akihalsak cimawk, mi 23 takin sihlawh

Thunei te genkhiatna ah hih biakna sanginn pen Selangor Islamic Religious Department kici kumpi tawh kizopna bangmah omlo, Register bawllo kici hi. Biakna sanginn hontheih nadingin Registration Application kibawl a, ahi zongin phalna angah nailo kici hi. Nungdiak mahmah inzong Kuala Lumpur khuasung aom biakna sanginn khat ki halsakmawk ahih manin, mi 23 takin sihlawh uhhi. Sawltak #zomidaily