Kuala Lumpur khuasung ah kikapna omlo hi ci’n Police Chief in genkhia

Kuala Lumpur khuasung ah kikapna omlo hi ci’n Police Chief in genkhia

Tuni Friday ni in Malaysia gamsung aom Netizens pawlkhatte’n Social Media tungah Video Clip khat kikhaksawn kawikawi uhhi. Tua Video Clip pen palik te leh migilo te akikapna Video Clip ahihi.

Tua Video Clip vaitawh kisai in palik thunei ahi City police chief Datuk Seri Mazlan Lazim in agenkhiatna ah ataktak hilo hi, Movie akizaih hi a, Police te leh Criminals te akikap kineih in Movie akizaih hi ci’n gencianna neikhia hi.

Video: KL police chief says video of ‘shootout’ not real, for a movie scene

Malaysia, Kuala Lumpur khuasung ah kikapna omlo hi. Khuasung mipi te lunghimawh kei un ci’n Bernama te tungah Police Chief in gencianna neikhia hi.

Tua Video aki khahkhia masapen Minute 1 valdeuh sawt a, tua Video Clip sungah Police Team te leh migilo Criminals te kikapsak phangphang uhhi. Tuaban ah leilak ah akikaplum atuksukzong mi 2 bang omsak uh a, silenai tawh kidim in asi bangdan in alum leulau mi 2 te ii Photo zong ki khahkhia in, Social Media ah ki thehzakgawp hi.

Ataktak in hih Video Clip pen Social Media tungah aki khahkhiat sawtkik simpianta hi. Ahi zongin tuni ciangin bang thusuak ngah hidinghiam, Social Media tungah Viral sakgawp uh a, anunung ah hihvaitawh kisai in City Police Chief tungdongah kidongliang hi. Kuala Lumpur khuasung ah suntangpi in thautawh kikapna omtheizel takpi ahih manin, akipatau gawpzong hikhading hi.

More: Kuala Lumpur khuasung ah mi 2 thautawh kikaplum

Police leh migilo te kikapna omtaktak hileh Police Chief in theihpih hamtang samding hi. Police Chief in Movie kizaihna pan aki lasawn, aki khahkhia hi ci’n gencianna neikhin ahih manin, lunghimawhding omlo hi. Sawltak #zomidaily