KL Airport sungah misuamlum dingin aki ummawh numei khat kiman

KL Airport sungah misuamlum dingin aki ummawh numei khat kiman

Malaysia KL Airport sungah Korea gammikhat ki suamluma, tua asuamlum dingin aki ummawh numeikhat zanni in palik te’n mankhiata uh cih theSun pan kiza hi. Tua numeinu pen Vietnam gammi hi a, zanni in Kuala Lumpur International Airport klia2 sungmah ah zingsang 9am in akiman ahihi.

Hih Vietnam numeinu pen Korea gammi Kim Jong-nam aki thahlup khitzawh Bandar Baru Salak Tinggi aom Hotel khatah zintung kici a, zanni in banghang in klia2 ah paikik hiam cihzong thuneite’n akancian laitak uh ahihi.

Kim Jong-nam ki suamlupna ah mi 6 kihelding in ki ummawh a, numei 2 leh pasal 4 hiding kici hi.

Inspector-General of Police Tan Sri Khalid Abu Bakar in agenkhiatna ah zanni in akiman numeinu pen amin Doan Thi Huong hi a, kum 29 aphakhin khat cihi. Vietnam gam Nam Dinh City ah aomkhat kici hi.

KL Airport sungah Kim Jong-nam aki thahlup laitak CCTV pan aki etkik ciangin hihnu tawh kibanglian ahih manin palik te’n amat uh hi a, aki matlaitak in amahbek ahihi.

KL Airport veng aom Sepang Police te matkhiat hi a, amau khutsung panin Federal Police te khutsungah apding uh a, thudotna limnaihlai mahmahding uhhi.

Hih Vietnam numeinu thusitna akineih masakna ah mithat hilo ci’n nial a, Malaysia gamsung ah alawmte numei khattawh nasepvai in azin ci’n genkhia hi.

Airport CCTV panin aki etkik ciangin Korea pa pen numei nihin suamlum uh a, tuakhit ciangin Taxi tawh paikhia uhhi. Tua Taxi hawlpa zong kimankhin a, ahi zongin hih ki suamlupna ah amah kihel khaloding in ki ummawh hi.

Ki suamlupna ah akihel pen numei 2 leh pasal 4 hiding in ki ummawh a, aki suamluplian laitak in numei 2 bek gamtangzaw uhhi. Ahi zongin ageinai panin pasal 4 te’n encik gige uhhi.

More: North Korea Leader Kim Jong-un ii sanggampa Malaysia ah kithat

Assassination kisuamlupna ah akihel adang mi 5 tepen Malaysia gamsung mahah omlaiding in ki ummawh ahih manin kumpi thunei te’n Malaysia gampan pusuahtheih nading Exit Points tengkhempeuh limtakin enciksak cih kiza hi. ZD Sawltak #zomidaily