Kimpu leh Kimpi – 29 ~ Hau Za Cin

Kimpu leh Kimpi – 29

Siamsin Kikhop mangpha khakna in Nuamno leh Kimpu zong “A ut teng lam khawm ding” ciin
stage tung lamah siamsinte hong kahto ziahziah uh hi. Makaite in Professor te leh siate innpua lam ah va kha khia uh a, niangtui leh moh khawng anekpih khit uh ciang innsungah hong tum kik uh hi.

Innsung a tun uh ciang Siamsin nungak tangval na diang lialua uh a, “I Have The Time of My Life”

cih khawng sa in na diang ngengngang uh hi. Amau zong a join ding uh lah hisalo, a khoh ding vua lah lawmte kipan khinta si…..!!

Munkhat ah Nuamno leh Kimpu zong na diang zatzat uh a, khatvei leh a awm uh kituahsak dekdek, khatvei leh lah a nung lam vuah awn daudau in, tuuk dekdek in awn zel uh…. a gei khat ah Kimpi leh a lawmte bel lam zong lam ngamlo in na tu khinkhian uh a, Nuamno leh Kimpu thu khawng na kikum maimai uh hi.

(zop lai ding)

Hau Za Cin
Phuitong Liim