Akhut alangnih in akitansak nungakno khat midang tetawh kibang in nungtathei veve
Hih nungakno pen akhut alangnih in omlo hi. Ahi zongin China gamsung ah midang tetawh kibanglel in, midangte nuntakzia midangte zatbangbang zangthei, semthei in nungtathei veve lel hi.
Tuanu minpen Yang Li kici hi. Kum 3 aphat hunlai in Accident huaisia mahmahkhat tuakkha a, athahat akhauhmahmah High Voltage Electric meikhau lenkha citciat ahih manin, akhut alangnih in tankhiat kul cimawk hi.
Kum 3 bekbek hipan, naupang ngeklai mahmah in akhut alangnih tankhiatloh phamawh himawk hi. Tuahun akipan akhut omnawnlo himawk ahih manin, akhe vive zattheihding kisinsak hi.
Tu’n midang nungakno te mahbang in Makeup kizutthei, bekthamlo akheme tawh annekna ciang “Chopsticks” nangawn hoihtak in lenthei hi. (khuttawhzong alentheilo tampi om hi 🙂
Tuaban ah 21 Century nungakno khat ahih manin, Technology lamsang ah Mobile Phone hoihtak zangthei, Game kimawlthei, alawmte tawh Online tungtawn in kihopih, Chatting kibawlthei uhhi.
Midangte mahbangin Live Video khahkhianuam ahih manin, angawng ah Mobile Phone okkawm in, amahleh amah nangawn Selfie Live Video khahkhiathei ziauziaulel hi.
Ama genkhiatna ah khutkim khekimlo tepen anuntakna cimhuai kicikhading hi. Ahi zongin Social Media tuamtuam tungtawn in Livestreams kazang a, mi tampi tawh kaki muhtheih banah, lawmlegual zong tampi mah kaneithei hi ci’n genkhia hi.
Chinese Social Media tungah minthang mahmah “internet sensation, internet star” khat hi a, Chinese te’n Twitter zatin azat uh Weibo Account bangah Followers mi 900,000 valbang nei in, Livestream akhah ciangin ki lunglut mahmah hi.
Video: Woman who had arms amputated after horrific accident at 3 years old is latest Internet star
https://www.youtube.com/watch?v=tSzJbQHKwDI
Mimawkmawk khatsangin ki lunglutzaw, lawmlegual hauzaw, minthangzaw, lungnoptak in omtheizaw leh kilawmphial hi. Mobile Phone zangthei, akheme tawh Computer leh Phone Keyboard te nuamtak in mektheilel hi.
Related: China ah khutdawhngen te Mobile Phone panin QR Code tawh ki piathei
Tua Social vai nengnengte atuam cini, tuasang in athupizaw thamtham ah amahpen pilna hoihtak sinin University khatpanin Degree angah Graduate khinsa khat cisawnsawn hi. Social Media tungtawn in Video leh Photo tuamtuam akhahkhiat tepen midangte mahbangin cimphawng in akhahkhiat hi a, amahpen Admin nasep hoih, nasep kiciankhat anei higige hi. Apiang bangbang Pasian tungah ap in, lungkim theihding thupi hi. Sawltak #zomidaily
Comment piaknop aomleh...