US Tulsa pan Pu Khup Khan Thang (Lailo, Munsuangh) in hongnusia
Mangpha Pu Khup Khan Thang, Munsuangh Beh,Kum 83 – Lailo Khuami Tulsa,OK USA ateng Pu Khup Khan Thang in April 25,2020 in tuap natna tawh ongnusia cihthu izaakmanin ZIUSA kipawlna mintawh dahpihna ipulak hi.Pu Thang pen Pasian lamhonsak na tawh 2018 in USA atung ahihi.
Pu Thang pen Zomi te kipawl khopna Zomi Innkuan Okahoma ah member khat leh USA gamsung Zomi akuamapeuh luang kipham nading a akivaihawm ZIUSA Genvai ah onglut thukhun pom ni 10/31/2018 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.
Pu Thang tawh anunungpen hunzatkhop ding ong tungding Friday May 1, 2020 1:00pm in Calvary Cemetery,9101 S Harvard Ave,Tulsa, OK 74137 ah (FEMC) pawlpi makaih na tawh hehnep hunbawlkhop na nei khit ciang, Rev.Dr. Cin Khaw Kham in lei sung ah tuhna neiding hi.
Pu Thang ong nusiatna hanga adahakap lung leng khawngai azi atate leh sangam tanau meltheih akuamakhempeuh hehnem siam pa i biak pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi. Dahpihna Lianpitawh, Mun Mang (Genvai tanupi) Zomi Innkuan USA, Inc.
Comment piaknop aomleh...