Khedan hong piak nuntakna’ thugil (4) te ~ Nang Khan Lian

Khedan hong piak nuntakna’ thugil (4) te ~ Nang Khan Lian

(1) Natna te in hong hiamzum den hi. (Pain always sharpen you)

Lai-at hoih na ding le akitel na dingin a mawl khedan muk hiapzum na ah a tuam singnipte at khiat mah bangin nuntakna ah i tuahkhak lungkham dahna liamna te in ei te i thakhauh zawk nading le i hoihzawk nading hi zaw aa lungkia thanem ding hilo hi. Guallehna, haksat lungkhamna te pan pilna laksiam inleh hihte pan i ngah thu te thahat na in khel in a sangpen dong ah kah zawh sawm ding hi hang.

(2) Nasep na khat peuh in khap nei hi. (Everything you do leaves a mark)

Zomi te in “zuau in a khap tawn”, Ciimnuai aa sa kibak Geeltui ah kithuk “ci’n paunak i nei hi. Mite muhna ah ahizong mite muhlohna ah ahizong, mizawng khat tung ahizong mihau khat tung ahizong…. na sep na khat peuh in khap nei hi cih ahi hi. Tua hi aa thumanna, cihtakna, thupha bawlna cihte khahsuah ngei kei in. Na sep na khat peuhpeuh in khap nei hi.

(3) A kizang taktak in a puatham hilo zaw in a sung aa om pen ahi zaw hi. (What’s inside you is useful, not what’s outside.)

A puansilh, a khutbulh, a khi, a mel hoihna cih a puatham kizepna te sangin a sungtawng aa om a lungtang thupi zaw hi. Lungsim hoih, lungsim picing, itna tawh kidim mawhmai sakna lungsim in mihingte khatlekhat kizopna kikholhna hong nuam sak zaw bek hi. Sumlepai taih inn mawtaw leh kizep na tuamtuam te hangin mihingte kizop kitheihna in a khankho lo akiplo ding thu ahi hi.

(4.) Na khialhna te suphiat inla kiphuah pha in. (Erase your mistakes and correct it.)

Leitung ah akhial ngeilo mi, akicing sitset mi kuamah omlo hi. Tua hi aa khial ing, mawh ing ci aa thumthum ding lukunkun ding hilo zaw aa, i khialhna te pan pilna lak ding leh i theih thuman ah kikhel ding kipuahphat ding bek akisam ahi hi. Khedan tung ah zong khephiat na kithuah buang sam hi. Lai at: Tg Nang Khan Lian (Thettancho at khedan hong piak nuntakna thugil (3) mehkawm in kei ngaihsutna, muhna ka at ahi hi.)