Khawlmun Nuam ~ Suan Lian Mung

Nuntak tuipi, thuk le zai-ah;
Tuunnu’ itna, tuikulhbang hi.
Tuihual ki lok, detna munah;
Lungmuang taka, tawlngakna hi.

Ei hong liah ding, zonna munah;
Zuapa’ itna, kulhpi bang hi.
Lungkham huihpi, nawkna munah;
Khamuang taka, bukna hi.

Zatam laiah, asangpen in;
Tuunnu’ itna, tausang pen hi.
Lungkham meipi hong zin hangin;
Tuunnu’ sakmel nibang tang hi.

Tuunnu’ itna lim le mel in;
Sianmang’ itna dung sun hi a,
Bei hun nei lo, peng ngeilo hi.
Tuunnu’ itna khawlmun nuam hi.

– Suan Lian Mung