Khatvei lailai: Malaysia gamsung aom Zomi te ading

Khatvei lailai: Malaysia gamsung aom Zomi te ading

Khat vei kihanthawn pha nuam hang. Malaysia vai khat vei kihanthawn pha nuan hang. 2015 kum in guahtui tamlua in Zogam ah buaina hatsakna lianpi I tuak hi.

Leitung mun tuamtuam a om u le nau akua maciat in kilainat in thakhat in kibawhhuai pah hi. Tua hang mah in hih tuahsiakna hangin hamsatna a om hangin a puksi liang ki om het loin lungkim huai takin a kikantan zo suak ahi hi.

Abeisa hunte le tu ni dong ciang mah Kawlgam le Zogam ah nuntak hamsa lua mahmah ahih manin mipite in phul theihna zawt theihna om bangbang kizandelh kawikawi hi. Atuahpha kawikawi a om hangin mipi sung azel taktak pen Malaysia khuahun a kihon ciang hi pi pen hi.

Malaysia sum le gam thumna lampi ong hoih ciangin I minam sung a kipokzaw deuh hi hang a ci nuam ka hi hi.

Ahi zongin I minam nuntakna ong khaito le ong kimalhsak ahi Malaysia Zomite nuntakna le gamthumna lampi te tawh kisai tulaitak buaina lianpi khat ong om mawk hi.

2015 kum dongtuahnate ah minambup in I panhuan mah bangin tu laitak a Malaysia a I mipih I sapihte dongtuahna vai ah zong khat vei thasan pha leuleu ni cih I kizawn nuam hi.

I hih theihna tek pan hancian pha lai dih ni.

Thu le la lam a siam ten thu le la tawh, sum le pai nei ten sum le pai tawh, thungen thei ten thungetna tawh, siamna nei ten I siamna tawh I u I nau I lawm I gual I mipitte thapia dih ni, panpih pha lai dih ni.

Malaysia le Thai gam sunga dongtuak a kuamah ading khat vei thasan pha dih ni.

Lian Tuang
3 July 2017