Khat bek om hi veh aw… lamdang lua

A kem a en ding a neilo mi khat om hi. A mah pen hau lualo na pi-in
kuamah englo in ama tawk in nuamsa leh neihsa nei lel hi. Amah pen
Pasian thu umlo icih mite hi sawnsawn hi. Milim biate icihte hi. A duh
adeih bel neizo mahmah khat ahihi. A cidam a lungnuam mahmah mikhat
ahihi. Amah bek inn khat sungah om hi.

Khat vei upmawhloh pi khat in hong damlo gawp hi. Amah zong gim semsem
hi mahta leh zato a paipih ding milah omlo hi. Tua hunlai in phone
cihte omlo ahi tam aw..a lawmte khat peuh phone om hileh sam leh pha
vem. A natna lian semsem in a kawngnuai siah hong tang theilo hi. Amah
bek innkhat sungah om ahih manin tui aduh ciangin a pia ding omlo hi.
An duhta leh a pia ding omlo hi. Lungkham sinkham in om cip hi. Khat 4
bang tua bangin lupna tungah kapkap in lungneu tak in om hi. Namsia
gawp in ngaih huai hetlo hi.

Khat vei thu hong ngaihsun hi. Ama biak milim tungah damna ngenngen
dam theilo hi. Hong damsak thei ding kua pasian om peuhmah ding hiam
ci-in aban banin hong ngaihsun hi. A tawpna penpen ah Christian te
Pasian kici Zeisu khat om hileh ki lawm hi cih hong phawk velval hi.
Lumna tungah a kemding omlo kha 4 bang om cip ngaihsun leng namtuilo
dinga, lungneu huai mahmah ding hi. Si lah si theilo, nuntak lah mu
tuanlo in aom laitak in a lungsim tawpna penpen ah Zeisu in ka uploh
hangin hong damsak kha inteh cih hong ngaihsun thei hi.

Zeisu a uploh hangin Zeisu min suangin thungen in damna a ngetleh hong
dam vel hi. Dam siang sitset in aomteh lamdang ki sa liang hi.
Christian suak ding cih khensat in a nungta Pasian hong um hi. A muh
khiat thu in.

* Zeisu pen damna mangpa hi
* Um in umta kei leng deidan a neilo khat hi
* Pasian dangdangten damna hong pia theilo hi
* Zeisu in damna hauhna pilna pia thei ding hi
* Zeisu in gumpa honpa taktak hi
…..cih bang tuamtuam tawh Zeisu muang ngam hi.

Um in umta keileng Zeisu pen a umte ading bek hilo in leitung mihing
khempeuh ading hi cih hong mu khia hi. Tua hiveh aw sanggam i biak
pa.. Ih biak Zeisu in deidanna neilo hi. A mah min tawh hauhna damna
pilna a ngen aomleh amah umin umta keileh pia veve hi. Bangbang hileh
Zeisu bek in deidan neilo aa, paihtuam zong neihlo hi. Milim bia te
pasian kiangah vapai lecin kei hong umte ading bek hi cikha thei hi.
Pasian thu a umlo pawl khat haumahmah pilmahmah zong om hi. Tuate in
Zeisu na langbawllo in na zahtaak uh hi. Amah a um mite sang peuh
zahtaak bawl zaw thei uhhi.