Khaikam ah dongtuakte innmun ding kizong ~ Lian Tuang

Khaikam ah dongtuakte innmun ding kizong

Dear u le naute teng
U le naute teng aw, tu nai thupiang om bngbng Facebook pan khah zel ing. Handset tawh a lem bngin a kikhah ahih manin i group mailte ong khahkha lo zel ka hi hi.

Tun zong zani a facebook kikhah pen ong khah sawn kik ing.

Laibung, kahgen, thenzang, vongmual pan i sanggamte ading khuamun zonzia ahi hi.

Dongtuakte Innmun ding kivaihawm

Khaikam khua paam phalong 3 na pawl ah Tedim gamhuam sung dongtuak khua kituah dingte ading innmun a kiziiksan laitak ahi hi.

Thunei lam panin mun le mual a vel kawikawi sa ahih hangin kicianin khentatna om thei pak nailo kawmkal leh mun hoih a om hangin gamlak bupi vive ahih manin innmun le lampi ding kiseh thei nailo laitakin Laibung khua panin upa 20 val ong kuan suk a, cihna ding om tuanlo ahih manin thuneite velna munte mah ah kilut pah hi.

Khua that ding ahih manin innmun ding lampi ding sanginn ding tualpi ding…, cih te kician leh zumlam pan nasepna manlang ding cihna tawh kizui in Khuamun ding JBC setpi twh nawtna ding huhna kizonga GZA huhna tawh tu ni a kipan JCB nih in khuamun ding a zikzik ta ahi hi.

Tedim pan in kumpi thuneite in zong ong delh suk uh a, A D pa ( pu Go Suan Khai )mahmah ong pai suk hi. Nasepna ah zong khuami te twh kikhawl in thapiakna le thungetna zong ong neih pih a, thakuan khempeuh nuamlua lungdam lua in pau theilo liangin kiom hi. Papi vive lungdam luat manin akaplo, khitui mualtuanglo ki omlo hi.

A D pa in ” khua thak sat hi mawk i hih manin innkiu suang i khiat ciangin thungetna tawh khia ni. Tui nak i zon ciangin thungetna mah tawh kipan ni. Hih khua in thupha a ngahna dingin thungen ni. Pasian ading gam le minam ading mi manpha a piankhiatna khua ahi dingin thungetna hun limci zong nei lai ni” ci in a ma lunggulhna pulak a kilungdam lua ahih manin pauding mel nangawn ki thei lo liang hi.

Zani tuni ciangciang thakuante nek le dawn ding pen Ciimnuai Innkuan Korea le siamsin te in kipanpih hi.

Khuamun ding a kizik khit ciangin innmun ding mèe sawkin kihawm ding hi.

Amun ding bek hi pan a bang mahmah a om nailo ahih manin akua mahpeuh in khat vei tha i san beh ding kizawn nuam hang.

Liantuang
Kawlpi