USA, Kentucky sanginn ah thaukappa in ngimmel neilo in phialkapgawp

USA, Kentucky sanginn ah thaukappa in ngimmel neilo in phialkapgawp

USA, Kentucky High School sungah thautawh akappa in ngimmel neilo in, atuahbangbang aphial kapgawp hi ci’n Local Prosecutor khatin Friday ni in genkhia hi. Tua sangnaupang kum 15 aphapan khat in sanginn sungteng ah ngimmel neilo, tuahbangbang akapna hangin sangnaupang 2 in sihlawh a, adangzong mi 18 takin liamlawh uhhi.

Hih buaina apianna pen Marshall County High School ah Tuesday zingsanglam in apiang hi a, tua thautawi sangnaupangpa ii gamtatna khempeuh pen Security Camera 3 panin Record kimuthei hi ci’n Commonwealth’s Attorney Mark Blankenship in genkhia hi.

Mark Blankenship ii pulakna ah Security Camera panin Video te aki etcian ciangin thautawi sangnaupangpa in kaplup nopdiak cihbang neilo cihpen kician mahmah hi ci’n genkhia hi.

Kentucky, Benton khuasung ah thautawi sangnaupangpa pen kum 15 aphakhin cihciang bektawh ki pulak in, amin apuam taktak akician Authorities te’n genkhia, pulakkhia nailo uhhi. Tuaban ah hih thautawipa pen koi ah kikem, banghun ciangin Court ah thusitna kineiding cihtezong Officials te’n genkhianuam nailo uhhi.

Video: The 15-year-old suspect in the deadly high school shooting in Kentucky that claimed two classmates’ lives made his first appearance in juvenile court as new details emerge of one of the victims’ last moments.

Mark Blankenship in hihvai tawh khuasung mipi tepen lungkia mahmah uhhi. Hih thautawipa aomna kithei hileh khuasungmi khatpeuh inzong suamnuam, satnuam khading uhhi ci’n genkhia hi.

Thautawi sangnaupangpa ii anu apa tezong dahmahmah in, lunghimawh mahmah uhhi. Asi mi 2 banah aliamzong mi 18 tak ahihi. Aliam mi 18 tezong sangnaupang vive mah hi uh a, tuate lakah mi 5 pen numei hi in, adang 13 tepen pasal ahihi.

More: US California sanginn khatah thaukikapna piang, mi 2 si in 2 liamgawp ~ ZD

Kentucky State sungah thau kikapna pen tulaitak “School Shooting” lakah anunungpen thautawh buaina “Gun Violence” ahihi.

Kentucky, Benton City pen Tennessee, Nashville ii khuakhunglam 120 miles (190 km) gamlatna ah aom khuakhat ahihi. Sawltak #zomidaily