Kentucky Governor pa Matt Bevin tawh kimuhna ~ Sia Pau Khai

June 1,2017
10:30 AM- 12:00 AM.
Amun: Western Middle School, Louisville

Kentucky Govenor Matt Bevin in Kentucky State sungah nopna leh daihna aom nadingin State bup sunga om Church Senior Pastor teng leh Organization Leader teng hongsam a, anuai bangin hong makaih hi.

Thulu: Kentucky State sungah kithahna/ khutkhelhna aomloh nading: Daihna aom den nading thu.

Hun paidan:
1. Praise and Worship team ten hong makaih uh a, thungetna leh Laisiangtho simna hongnei masa uh hi.

2. Govenor Matt Bevin in thugenna hongneih ma in Topa tungah thungetna saupi khat hongnei masa hi.Khitui luang in gamsung nopna dingin thu hongngen mawk tazen hi.

Athugente:

1- Ih State sung anop nadingin Government ten bangmah sem zolo ding , political ten bangmah sem zolo ding, sum leh paai tha in bangmah sem zolo ding, Police ten bangmah sem zolo ding a, ahizongin Pasian thu or Kha thu bek in nopna leh daihna taktak hongpia thei bekding hi cih honggen a, khitui luang keuhkeuh sa in gamsung khuasung nopna dingin thugenna hongnei in mipi khempeuh khitui luang in hongkoih hi.

2- Laisiangtho munkhat hongsim a,Paikhiatna 14:13-14 sung tawh mipi te thapiakna hongnei hi.

Topa in note adingin hongdo sak dinga, note in nopna nalen kip ding uh hi cihthu hi.

Hih bangin State kumpi Pasian a it mahmah Kentucky in ineih khak pen hampha kaki sa mahmah hi.

Apai khawm mi 500 val kipha hi.

Hun zawh ciangin hibangin igam nong makaih pen ka lungdam mahmah hi ci in khut letna ka nei thei a kalungkim mahmah hi.

Lungdamna tawh,

Rev. Pau Khan Khai.
General Secretary,ZBCA.
Church Pastor -ZCC- Louisville.
Church Pastor- Bethel- Kalaymyo.
June 1,2017.