Myanmar, Kayin State sung aom gamvai nasem Party 4 te khatin kigawmkhawm

Myanmar, Kayin State sung aom gamvai nasem Party 4 te khatin kigawmkhawm

Myanmar, Kayin State sung aom gamvai nasemtek ahi Political Party 4 tepen avekin ki gawmkhawm uh a, “Karen National Democratic Party (KNDP)” ki phuankhia cih MMTimes pan kiza hi. Tua KNDP pen “Union Election Commission (UEC)” nuai ahzong Register kibawlkhin hi ci’n Party panin Officials te’n genkhia uhhi.

UEC inzong kaki gawmkhopding uh phalna hongpia uhhi. Tua hi a, Party khatin kidingin, Party Logo dingzong kiteel khiakhin hi. Ahi zongin sepding tampi omlai hi. Party khatin kigawmvai tawh kisai in Official Letter ki khahkhiading hi ci’n akigawm Party khat hi “Phalon-Sawaw Democratic Party (PSDP)” panin Vice Chairman asemlaitak Maan Aung Pyi Soe in genkhia hi.

PDSP Party banah hih Party khatin aki gawmkhawm tepen Karen Democratic Party (KDP), Karen State Democracy and Development Party, Karen National Democratic Party cihte ahihi.

Hih Kayin-based political parties sungah aki helnailo, aki gawmnailo Kayin minpua Party nih omlai hi. Tuate pen Yangon aom “Karen People Party” leh Ayeyarwady aom “Karen National Party” te ahihi.

Mann Aung Pyi Soe in agenna ah abeisa 2012 kum akipan State Politicians leh Civic Leaders tuamtuam te’n Kayin-base Political Parties khempeuh kigawmding pen ki pumkhatding aki lunggulhden ahihi. Ahi zongin avekin kigawmkhin zonailo a, tulaitak Party 4 teng khatin aki gawmkhinzota ahihi ci’n genkhia hi.

KNDP pen Register bawldingvai January khabeikuan in aki vaihawmpan hi a, ahi zongin Register bawlvaipen mankhinta hi ci’n Mann Aung Pyi Soe in genkhia hi.

UEC panin Official Letter hongpiakding ki ngaklai in, tuavaiteng mansiangkhin hileh hongtungding kiteelpi “Election” vaiding kisemthei tading hi ci’n KDP Party panin Chai asemlaitak Saw Ye Win Naing in genkhia hi.

Party 4 akigawmkhawm lakah Party khatpanin makaipi mi 5 ta ki teelkhia in, tuateng in Party thak ah zatding in Principles leh Regulation akisamte abawlsan laitak uh ahihi. Tuaban ah Election vaitezong vaihawmtoding uh cihi.

More: Malaysia gamsung Election hunciang buaina aomleh sepziading kisin kholhna nei

Abeisa in Rakhine State leh Mon State sung aom Political Party tezong ki gawmkhopding hanciamngei uh a, ahi zongin anunung ah ki tamkhamzaw uhhi. Tuabang apianloh nadingin hoihtak in kiginkholh kulhi ci’n Mann Aung Pyi Soe in genkhia hi.

Zomi sungahbel kiteelkik ciangin Party athak ki behlapding cihpeuh kigen hiauhiau zawven maw. Chin State bup ahuam, State Level in e leh, bang aki vaihawm mahhiam? Sawltak #zomidaily