Kawlpi ah Phone sai kiluh, teng 170 man kigu khia

25 Aug, 2016
Kalay Myo, Milionar Phone sai pen zannitak in kiluh a, teng 170 val mankim mang cih thukiza hi.

Katapa Zingsang Sai ahonciang mupan hi. Sai a nasemte tawh, konghong in Innsung alut uh leh Inn nunglam kongkhak kihongsa in om ci hi. Sai sung aom akikoih phone khempeuh omnawn lo a, phone khutmek tawmkhat bek leh atuamna, phone Khau cih te bek cian lai hi.

Sai sung kipheklekgawpin Sumkuangsung ah sumkikoih tul 50 kim kila ci hi. Computer te bel khatzong kilalo ci cibilbel. Cemera khat bel omlo ci hi.Inn tungkhan a Aluminium kongkhakphukhia in lut a, inn cing kikoihloh ban ah, CCTV te zong bangmah kizanglo/kimanglo ci hi.

Hitawh kisai in, Palik zumpan Bomu Thet Nai Oo in, “guta le lutna, le pusuakna te limtak kien cian in, hitawh kisai upmawh huai te leh atheikha mi aomte kankhia in ahunhun in kaphuangkhiatzawhding hanciam nung’ ci hi.

Pone amangteng

1.Samsung 36,08000

2. Huawei 33,71000

3. All Brand 63,2000

4. Oppo 33,01000

5. Vivo 26,38000

6. Lenovo 16,61000

7. Mi 17,00000

8. G-Five 48,6000

9. Camera 45,0000 hi in, avek in 17,847,000(teng za le sawm 78 le tul 47) cih thukiza.

Hih Sai pen 2013 kum, Tu a munah akituahma’n in zong ki Luh ngei a, Ami mankha bilbel ci hi.

DKTuang
Ref: Central News
Zomi Post