Kawlpi 2007 Etkikna ~ Zam Thuam

Kawlpi 2007 Etkikna ~ Zam Thuam

Ihmut theihloh teng tawh ngaihsutna te tuma kum 10 lai hong tungkik hi. Mite ading sut tak ta kei leh kei ading manggilh theihloh nite hong suak ta hi. Diary sungah ciapteh theih a omlo online zat lah tangzai nailo a hihman lungsim sung a cian lai teng bek mah a cian hong suak hi.

2007 kum pen Siamsin Kipawlna tawh a kizom Kawlpi Technological University a kah sangnaupang ka hihna tawh a lamdang kum khat ahihna ka highlight nuam hi. A masapen Siamsin Seminar a kibawl khit lian ciang 2007 laisin kum hong kipan hi.

1. 2007 sang hon zawh a sawtlo in ferry kicinlohna hangin Technology sangnaupangte in kampaulo daitak in lungphona kinei hi. Mi 300 kim pha hi.

2. Feb 20 in Kalay University main sangpi ah Zomi Nam Ni ( Chin National Day) hong kibawlsaklo ahih manin Htooma Technological sangah kibawl a Zomi sangnaupang sung a lok movement khat hong suak hi.

3. August kha kim pan in sang naupang sung ah hehna leh launa tawh kidim thu zaksakna le thu kikupna hong khauh pai hi. Radio kilim ngaih mahmah hi.

4. September sung a kibawl den Buda siampu te Kawlpi khuasung vak na pan 24 ni in sang naupang sung hong lawh hi. Sang naupang le Siampu, mipi tul 10 val Kawlpi lampi tung ah lung kipho hi. September 25 ni in kizom beh hi. Tuani lungpho hun a man ciang hong kikhensak hi.

5. Sep 30 ni in Kawlpi sung khatvei lungpho ding ci a sangnaupang teng ka kizot sim uh leh Township pan thunei te in tua ni in sang naupang bup ciah sak hi. Lungleng tak in inn ka ciah uh hi.

6.October kha sung in sanginn ah hong kisam hi. Hawl khiat ngah sangnaupang khat hong om a a dang teng warning tawh sang kizom thei hi. Lungpho na hun sung a lim makaih pian teng Kawlpi nusia in themvei gal kitai hi.

7. November 1 ni in TU in laivuanna nei thei kik hi. Laivuan a man lian leh Zomi Siamsin sung pan pasal 5 UG, PD le Democracy , Human Right te a sin ding in gampua kiguk pai hi.

Related: Innteek lungsim ~ Zam Thuam

8. Kum beima in mi 4 ka tungkik uh hi. Makai khat hong nung tun hi. Tentan kah beh ahih man ahi hi.

Kei zong kumbei ni in ka khankhiatna ka khua ka tungkik hi. Asau in hun le tha i ngah ciang gelh beh ni.

Lunglen sutkik leng……
Zam Thuam