Kawlgam Lower House leh Upper House Chairman leh Vice Chairman

Kawlgam Thu Thang,
Kawlgam kumpi thak ding NLD Party ten Monday 10:00 am, Feb, 01, 2016, a ki pan ding Lower House – Pyituu Hluat Daw leh Upper House- Amyo Tha Hluat Daw, Chairman leh Vice-Chairman sem ding te pulak na leh gen khiat na te a nuai a bang in nei hi.

1. U Win Myint ( NLD- Lower House Chairman)
2. U Ti Khun Myat ( USDP- U Ti Khun Myat )
3. U Mann Win Khaing Than ( NLD Upper House Chairman )
4. Vice Chairman U Aye Tha Aung ( ANP- Vice Chairman )

Hih a tung a milian tel khol sa sung pan, U Ti Khun Myat Pa Oh, U Mann Win Khaing Than- Karen leh U Aye Tha Aung Arakan ci dan in mual tung mi thum ki tel a, tua sung pan, U Aye Tha Aung ahih leh, CRPP leh UNA member khat ahi hi. Tu ciang ciang ei mual tung mi te a ding in, ih Pi Su Kyi leh NLD te vai hawm na pen lung kim huai mah mah ci ding hi.

A hih hang a thu pi pen leh, ih lam it mah mah ahi Kumpi-President leh Vice-President ding in, bang ma pulak na leh gen khiat na om thei nai lo ahi man in, ki thei nuam mah mah a, tua President leh Vice President sem ding te ahih leh kumpi lui te khawl na ding March, 31, 2016 ni ding ahih man in, Lower House leh Upper House ten mun ong la phot in, tua Hluat Daw MP ten Presdient leh Vice President te kip sak na nei thei pan ding hi.

Topan deih na leh lem sak na a om leh President leh Vice Presdient nih pen a nui a bang in, ki tel thei kha ding in ki up maw hi.

1. …………………………( Presdient – NLD )
2. Pu Cin Sian Thang ( Vice President 1.- ZCD )
3. …………………………( Vice President 2. Army-Galkap pan )

Lei tung bup Zo minam ki ci khen peuh in,( Aan tang- Fasting) a thu nget na tawh ma ih pan na ding in ki sam a, tu tung a, pan mun ki cian khat ih ngah kei leh mai lam ah lam it om pak nawn lo kha ding hi.

Bang hang in ZCD Chairman Pu in, Vice President din mun ngah thei ding hiam cih leh, hun vei sa NLD te tha nem mah mah hun lai in, NLD te tawh lung khia het lo a khut ki len kal ki kim a, gam leh minam vai ma pang khawm pen formerly ZNC ahi ZCD , SNLD leh Arkan Party U Aye Tha Aung cih te te ahi a, U Aye Tha Aung in Upper House Vice-Chairman in ki candidate in, SNLD ten ahih leh President or Vice President pen ko hun hi lo hi, bang hang hiam ci leh kawlgam democracy hun lai President Sao Shwe Thaik in kumpi sem khin a, tu lai tak in Vice-President Sai Mauk Kham Vice-President sem ahih man in, mual tung minam dang ten sem leh ki lawm hi ci in, gen khia ngai hi. Tua ahih man in, Kawlgam politic khua hun pai zia pen, Vice- President ding mun in mual mi te ngah ding sa tann ahih man in, hun vei sa NLD Party te tawh gam leh minam a ding ki pawl tak na, sep khop na leh ma pan na te en kik leng tung tung Vice-Presdient ding in, ZCD Party Chairman Pu lo buang minam dang om lo hi ci thu lam it huai thu hoih ahih hi. Thu nget na tawh han ciam ciat ni.

Lung dam

Hang Kahi milun
NC