Kawlgam kiteelna thu ngetsak ciatni

Kawlgam kiteelna thu ngetsak ciatni

Zomi laizom mikhempeuh tungah taksalam damna leh khalam damna thupha hong tung kim ta hen.

Ih Kawlgam ah kumpi makaai kiteelna ding, gamthu, gamvai hong kikhelna ding pen Pasian thuummite in kumtampi i thunget leh i lunggulhpi hi-a, i Topa Pasian in i thungetnate hong dawngin gam makaai kiteelna hun zing leh thai ah akipan, akinei ding hong hita hi.

Mihing ngaihsutna tawh i ngaihsut-teh hih galkap uk sungin apiangtheingeilo ding, ahi theingeilo ding din’mun ahi hi. Ahizongin hicibangin kumpi makaai ding kiteelna hong omtheih ding pen a lamdang mahmah bek hiloin, kawlgam taangthu ah laimai thak khat aki-at ding, a kiciapteh ding hong suak hi.Topa tung i thungetna in nakpi “Vanglian” mahmah hi-cih i phawk aa, Pasian min i phat hi.

THUNGETNA AH PHAWK DINGTE:
1. Kiteelna hun sungah;
– Kiteelna ding vaihawm makaai khempeuh ading
– Kiteel sungah a endik, a encik ding gam sung leh gampua pan hong pai makaaite
ading
– Kiteel hun sungah bangmah buaina aomlohna ding
– Pasian deih mi(makai)te mah in hong ngahna ding
– Zomi sungah Pasian’ deih mite leh Pasian’ it mite bek in hong ngahna ding

2. Kiteelna mankhitteh;
– Kiteelna mankhitteh bangmah buaina hong omlohna ding
– Makaithak te’n gam makaihsiamna hong neihna ding
– Mipi leh gam ading makaihoih hong suahna ding
– Gam sungah gupkhiatna thu suaktatak aa taangkoh theihna ding
– Gam sungah daihna, damna, nopna leh hauhna hong omna ding
– Gam sungmite lungdamna leh gam sungah ki itna hong omna ding

Thu nakpi ngetsak ciat ni ci-in khat leh khat a ki hanthawn i hi hi.

Lungdamna lianpi tawh,

Thupuak Tanute
FLORIDA THUPUAK
USA