Kawlgam Eleven Media te Journalist khat Monywa ah kithat

Malaysia MRT meileng khakhatsung amawkna Free in ki taisakding

Kawlgamsung aom News Journal khat ahi Eleven Media te Journalist khat Tuesday ni in Monywa ah kithat cih NY Times pan kiza hi. Thah athuak Journalist pa minpen Soe Moe Tun kici a, amai leh alu ah liamma kimu ci’n Local Police Officer te’n genkhia uhhi.

Hih Journalist papen kuathah cih kitheician nailo ahih manin, palik te’n athu akikansan ci uhhi. Myanmar Journalist Network te’nzong hihpa kithahna thu akician in aki kankhiat mengmeng nading in thuneite tungah ngetna nei uhhi.

Soe Moe Tun pen Eleven Media Group ah nungkum January 2015 akipan asem hi a, Sagaing Division sungteng thuthang akankhia zelzelkhat ahihi.

Kawlgamsung aom Journalists tepen agenkhiat, agelhkhiat thute hangin vauna (Threat) thuakthei zelzel uh a, UNESCO (United Nations Educational, Scientific and Cultural Organization) inzong tuabang in ki lauthawngsakna aomnawnloh nading leh Journalists te ii Security kepbit nadingin Statement nungkha in khahkhia uhhi.

2014 kumsung inzong Freelance Journalist asemkhat ahi Aung Kyaw Naing pen Myanmar-Thai ah Kawlgalkap te’n kaplummawk uhhi. US-based Committee to Protect Journalists cih kipawlna te ii genkhiatna ah atawmpenpen Journalist 3 peuhmah tunai in Kawlgam ah kithat hi ci uhhi.

More: Egypt gamsung aom Cathedral biakinnpi khatah Bomb puakkham, mi 25 si, 47 liam

Myanmar Press Council panin Zayar Hlaing ii genna ah 1999 khitzawh Journalists akithat lakah hihpa pen a 5 na hita hi ci’n genkhia hi. Tua ahih manin hihbang in athatte kumpi in mawhmaina mawkpiak mawkmawklo in, Rule of Law ombang in dan piahen ci’n genkhia hi. ZD Sawltak #zomidaily