Kawlgam, Bagan ah zinling in Pagoda honkhat kicim

Kawlgam, Bagan ah zinling in Pagoda honkhat kicim

Kawlgam ah gamdang khualzin te alunglut mahmah uh Tourist Attraction minthang mahmahkhat ahi Bagan aom Pagota tepen tuni zinling in kicim, kisia cih 7Day News pan kizasawn hi.

VOA te genkhiatna ah zinling kipat hunpen tuni 24 August nitaklam 5:04pm hunpawl ci a, Kawlgam Mandalay Division sungteng leh akiim apaamteng huaisia phadiak hi.

Tua Bagan Pagoda minthang akicim tepen ထီလိုမင်းလိုဘုရား၊လောကနန္ဒာဘုရား၊ အာနန္ဒာ၊ သဗ္ဗေညု ၊ဓမ္မရံကြီး ၊ဂူပြောက်ငယ် ဘုရား၊ ရွှေလိပ်တူးဘုရားနှင့် စေတနာကြီးဘုရား cihte ahihi. Tualo adang Pagoda pawlkhatzong asia omkawikawi a, akigawm in Pagoda 11 bang kisia cih kiza hi.

Thunei te genna ah asia taktak pen 11 sangin tamzawding a, ahi zongin tulaitak akician in aki kancian laitak ahihi ci’n genkhia uhhi.

Tuni mahin Italy gamsung ahzong zinling nasia mahmah cih kiza a, Fox News te genkhiatna ah mi 73 sikhin ci uhhi. Tuazong amansiang hinai peuhmahlo a, abuaibuailai uh ahihi.

Anuai ah Bagan Pagoda kicim pawlkhat photo (Agol in na etnop leh atungah namek in)

Hih Kawlgam, Bagan zinling bel tuciangciang misi kizakha nailo phot hi. ZD Sawltak #zomidaily