Kawlgalkap te’n Rakhine State sungah migilo 3 kaplum

Kawlgalkap te’n Rakhine State sungah migilo 3 kaplum

Kawlgalkap leh gamgicing palik te’n Rakhine State, Maungdaw Township sungah gamsung migilo te omna Camp khat buluh uha, Kawlgalkap te’n mi 3 cih Irrawaddy pan kiza hi.

Maungdaw Township sungaom Mayu Mountain kici gamsung taampi lakah migilo te omna Militant Camp khat omin tuasungteng abuluh uh ahihi.

Police Maj Zaw Zaw Nay Hein in agenna ah Militant Camp sungah kuamah omnawnlo in, ahi zongin thau atuh “Dummy guns” 20 leh adang “Homemade Gun” thau 2, buhtang leh vaimimtang honkhat kimukhia cihi.

Migilo Militant khatpen Tuesday ni in Security Forces te’n akaplum uh cihi. Tuaban ah adangzong Militant i 2 kikaplumbeh a, migilo akigawm in ninihsung aki kaplum pen mi 3 pha hi ci’n President’s Office spokesperson U Zaw Htay in Press Conference ah Wednesday ni in genkhia hi.

Mayu Mountain akicihna gamsung taampilak ah Muslim Militants te’n migilo thautawi Militant Training Camp bawlsawm kawikawi uhhi ci’n Border Police Officials te’n genkhia uhhi.

State Counselor’s Office Information Committee te pulakkhiatna ah 2016 October panin 2017 May kikal sungteng Muslim khuasungmi 33 kithatlum a, adangzong mi 19 bnag mangthangcip ci’n genkhia uhhi.

Related: Rakhine galkap leh Kawlgalkap te Paletwa ah kikap, mi 10 si ~ ZD

Nungkum October khasung inzong Rakhine State gamgidung ah Border Police mi 9 tak ki thatlum a, Muslim Militant te ii gamtatna hiding in ki ummawh hi. Sawltak #zomidaily