Kawl lak Gammial Nasepna ah A Kihelnuam Ta Ding Good News

Kawl lak Gammial Nasepna ah A Kihelnuam Ta Ding Good News

Kawl tangthu ah kumpi tawpna nihna ahi 1853 pan 1878 kum kikal kawlgam kum 25 sung a uk Min Don Miin i khua Min Don (မင္းတုန္း) ah gammial nasepna ah na kihel nop leh hih lai na sim sukbeh lai in.

Hih Min Don khua ah Magway Khua a Joshua Pawlpi kem Sia Ngaih Thang te innkuan in gammial nasem (missionary) khat khah uh hi.

Tua Min Don ah gammial nasem a ompa’ min pen Saya Aa Khawng hi. Khami minam te hi. A zi a ta tawh om hi. Kawl lutol te’n hihpa kuamah in inn sapsak loh ding in mipite hanthawn den ahih man in innsap ngahna ding haksa tektek hi.

Tua ahih man in leitang leiloh phamawh dinmun hita hi. Khuasung ah tammanh lua ahih man in khuanawl ah akimanh theipen ding akidawp ciang in innmun khat ai pi 40′ X 60′ khat ciang in Kyats 250,0000/ (2.5 millions) tawh kingah thei lai hi.

Tua ahih man in innmun khat ai peuhmah lei kul hita hi. Avek a piak khit pah ding zong hamsa ding ahih man in pek khat pek nih akihel nuam Zomite ih om khak leh ci a lungdam huai thu hong zasak kahi hi.

Aki helnuam te’n Sia Ngaih Thang na contact tapeuh un. Amah pen Tuimui khuami hi a Magway ah mission asep zawh kum 20 valta hi. Kawl zi nei a azi zong piangthak mahmah in Zopau zong siam mahmah hi. Zo-an zong duh zunghzungh se mawk hi. Kizopna ding;

Sia Ngaih Thang – (+95) 9961177377
Azi Nu Cing (Daw Khin Win Kyi) viber
+959961165755
hi.

Hih Min Don khua pen Magway region sung a om hi a kawlte’ gam taktak ahi hi. Min Don Minn (မင္းတုန္းမင္း) pen 1808 kum July kha ni 8 ni in suak a 1878 kum October ni 1 ni in si hi. Amah asih khit ciang in Thibaw Minn in kawlgam uk a 1885 kum in mikang te’n man in India ah koih uh a India ah si hi. Thibaw Minn kawl kumpi tawpna ahi hi.

Hih kawl lak mission nasepna ah akihel zote mi hampha mahmah ahi hi.

Lungdam
Pasian’ Lenggahhuan ah na naseppih
(Mung Laan Thang)
Tawmvei Magway