Kalay Myone sungah thautawh Kai Za Khai kiman

Kalay Myone sungah thautawh Kai Za Khai kiman

Myanmar, Kalay Myone sung aom Kyukyakwin kicihna khuasung ah lawngnih anei thauka khatleh thautang 3 kiman cih Newtamu page tungtawn in kiza hi. Zanni Tuesday (Dec 12) ni in Kalay District lehh Kalaymyo sung aom palik ten amatkhiat uh kici hi.

Tua thautawh akimanpa pen amin Kai Za Khai kici a, kum 50 aphakhin khat ahihi. Apa minpen Pa Hang Do Lian kici hi.

Police te tungah Report kibawl, Tip-off kipiakna tungtawn in Kalay District leh Kalaymyo panin palik te’n Kalaymyo, Mauklin, Kyukyakwin khuasung aom Kai Za Khai te innsung asit uh ahihi.

Kai Za Khai te innsung, lupna sungah thauka khatleh thautang 3 mukhia takpi uhhi. Tua thauka tungah “De Lux Arms Co” ci’n kigelh a, thautang te tungah “Shaktimam Express” cih laimal kigelh cihi.

Hih thauka leh thautang tetawh Kai Za Khai pen kiman suakpah a, Kalaymyo Police Station ah ki ciahpih in thu kibawl cih kiza hi.

Kalaywa – Kyikung – Tamu lampitung aom siklei te ki puahphading

Myanmar, Sagaing Region, Kalaywa – Kyikung – Tamu lampitung aom siklei te ki puahphading cih MOI pan kiza hi. Hih Kalaywa – Kyikung – Tamu lampi pen Myanmar leh India gamnih kilemna in akibawl hi a, ahi zongin siklei tepen aluite mah kizangsuak ahih manin luimahmahta hi.

Kalaywa – Kyikung – Tamu lampidung ah lei akigawm in 69 aom hi a, tuate pen RC Concrete lei in kilaihding a, Standard aneitak in kilam phakikding cihi. Hih lei bawlding naseppen December 1 ni akipan akipankhin cihzong kiza hi.

More: India leh Kawlgam kikal meileng lampi kibawlding

Hih Kalaywa – Kyikung – Tamu lampipen India, Myanmar, Thailand gamthum kikawmna, kizopna in akibawl lamzikpi inzong nawkkha ahih manin, tua lamzikpi tungah aom lei tepen hoihtak aki puahphading ahihi. Sawltak #zomidaily