Ka muhpak US Gamthu pawlkhat – 44

Ka muhpak US Gamthu pawlkhat – 44

Laisim Mimal Kitawm Mahmah Lai
Hi lai ah a khangto gamte ii laisim hat dan khat kong pu-laak pak nuam hi. Ka naseppih ngei Mikangte ‘Jerome Underwood’ kici pasal khat in lai nak sim mahmah a, 2010 kum sung a, ka laibu sim bu 100 pha ta hi ci in December, 2010 beikuan in hong gen ngei hi.

Tua pen kum khat sung bek aa, a sim laibu a gen hi a, a sim khit zawh laibu pen bu tam khin mahmah ding hi. Kawlgam zong ah Kawlte in laisim nuam mahmah uh aa Zomite in lai sim mahmah naii lo uh hi.

Ei Zomite sungah kisam mahmah ih sak phat diakdiakte sim theih ding ci in deihsakna lianpi tawh ei mi mipil laigelh siamte in Zolai aa, a gelh sunsun thuluiite zong kua mah in na sim cian meel lo lai uh hi. A kin velvel a theihnop velvel loh banah a manlah vive na hi zaw uhhi.

Lai uk lai siam leh thu kan nuam pawl khat a thu thei khin sate tata in na sim behbeh bungleh zaw uhhi. A kisam taktak leh Kawllai Mang lai thei lote a’ding ci ta leng a tua te in, laisim ding a hun a piak zawh loh ban ah, laisim nopna lungsim zong na vom lo lailai uhhi.

Tua hi a, mikangte paunak sung ah ‘Kimawl hun in kimawl in nasep hun in nasep ding hoih hi ’ a cih mah bangin, ih nisim nuntakna ah hun khat sung nai khat nai nih sung ahi zongin laisim hun ding zong ih tuam khen teitei ding kisam pha mahmah hi.

(azom omlai hi…)

Agelh: Awn Za Pau