Ka muhpak US Gamthu pawlkhat (30) ~ Awn Za Pau

Ka muhpak US Gamthu pawlkhat (30) ~ Awn Za Pau

Kum 21 Tungsiah Nang Sai Kul Lo
Hih lamah kum 18 pha khin peuh leh a apumpi atha tang a khankhin in kituat pah hi. Kum 21 aphak taktak ciangin a thatang a pumpi bek hi lo in a lungsim leh a ngaihsutna zong picing khin hi ci in ciamteh uhhi. Kum 21 a kipan a nu a pate tawh kisaisak nawn lo uhhi. Gentehna pak ah Liquor & Wine sai khawngah kum 21 a phak nak leh leikhuan kipia pan sese hi. Tua kumzah a phak madong kileisak peuhmah lo hi.

Tua ahih manin kum 21 tungsiah peuhmah pen ei lam bangin ih tate vaii khempeuh amau thukimna tawh lo in a haii a mawlte lobuang kisai pih thei nawn peuhmah lo hi.

Kei mahmah in ka nawkkhak thute mah hong gen leng, ka zi ka tate vaii pen amau mahmah om lo in amau vaii peuhmah amau om loh in ei gensak ding sang thei mahmah lo hi. Amah mikang pau a siam kei leh kamphen sak ding bek ki-ngah hi. Tua mahmah zong pen nitumna gamte leh nisuahnate ih kilamdan mahmahna pipen khat ahihi.

Na zi na ta tawh kisai nang tavuan laaktheihna, kipumpiak theihna a omlo hi mawk hi. Kum 21 a phak khit nak leh ama vaii khempeuh tangval lai ahi a nungak lai ahi zongin, amah leh amah in tavuan a laak ding hong suak mawk hi. Tua tengmah hangin hi lamah amo amaakte tawh om khop ngeiingaii ding cih thadah kum 21 a phasa atanu atapate zong tawh a omkhawm nawn lo tek zaw uh ahihi.

Lamdang ka sak inn gol mahmah pi sungah piteek puteek nupa khat ahih kei leh ta khat ta nih tawh nupa khat peuh na teng lel uh aa, a tua atate tawh inn kicing mahmah napi, na teng khawm ngeiingaii het lo uh in ei aa’ tawh kilehbulh mahmah hi.

Ei leh ei a suakta tak a innsung bangkua a om theih ding thupi sak mahmah uh cih ding ahihi. Ta numei tapasalte a kum a picinh khit nak leh amau leh amau nuntak nading zongin mun tuamtuam tekah pilna zong laite’n pilna zongin pawl khatte’n kivakna ding nasep mah sem pah ngeekhngeekh uhhi. (azom omlai hi…) Agelh: Awn Za Pau