Ka Khatha bektawh

Ka Khatha bektawh

Benny Hin in ‘Pasian in mihingte a mah a sun linlian (exact copy) in hongbawl a hihi’ ci in gen hi. ‘I am a spirit, I have a soul and live in a body’, ‘kei pen Kha ka hiaa pumpi sungah a om ka hihi’ ci hi.

Mi ii sepzawh khat sem zolo cihbang omthei ngaitlo hi. Pasian in mihing khempeuh tungah a Kha, a ma hihna, a ma limlemel a kikim citciat in hongpia hi. Tuni in tua Kha vangliatna tawh zawhna lamah lut ding hi hang.

A kipatcil lai in sanginn leh pilna sinna omlo napi Pasian in mihingte a pilpen a hihlam thei khin hi. Tua a kipatcil lai aa pilna tawh mite in gualzawhna a ngah i hihi. Pasian in lelh a neithei ngiatlo, akimutheilo akisiatheilo a ma Kha nasungah hong koih hi.

Tua ahihmanin Zec 4:6 sungah ‘thagum hatna hanghilo, vangliatna hang zonghilo in keima kiangpan hongpai Kha tha bektawh na ma na tunzo ding hi’ ci in hong gen hi.

Pasian Kha in lelh a neithei ngaitlo ahihi. Lelh a neihtheih nadingin a ki thakimpih ding omlo hi.Na khempeuh a ma bawl ahihi.

More: Biakna leh Minam Minpua Kipawlna ~ Pu Zokhai

Tua ahihmanin i muhnai loh nate a piangsak ding i hita hi. Haksatna te kantan bek hiloin a thakna a semthei i hihi. Deih peuhpeuh a neithei i hihi.

Pasian in tulaitak i omna, i sum neihzah, i nasep cihte hong en loin ka Khatha tawh na ma natun dinghi hongci ahihi.

Baihlamtak a Nalianpi Sepna – laibupan (Siamsin Library)