Ka hithei hi

Ka hithei hi

Ka at ngeisa laibu sungah ngualzawhna ding thukhun ka at aa lawhcinna a zong numei pasal mi tampi tak in noptuampih khin uh hi. Tua thukhun pen ol mahmah a hizongin khauhpai mahmah hi. Tuapen na sungtawng a kidim dongin ‘a lawhcing mahmah mi ka hihi’ ci in pulak in. Nitak nalup ding ciangin pulak in. Zing na thawh ciangin zong pulak inla sun hun awng na ngahsim in tua kammal mah pulak den in.

Na sungah ‘a lawhcing a ngualzo mi na hihna’ kidim sak in. Hihthusim pen na ngualzawh khit taktak ciangin na um theipan kha ding hi. A hizongin tu in na sungah tuabang thu na koih phot limlim in. Na lungsim sungah um in. A sawtlo hunsungin a lawhcingmi na hihna hangin na lung hong dam mahmah lel ding hi.

Tu in ‘lawhcinna leh ngualzawhna ding thusim thei khin na hihmanin semkhia ta in. Theih ciangbek tawh koih kei in. Zing na thawhpan nitak nalup dong a ngualzo mi na hihna pulak in.

Nasep lianpi khat semding kipan nuam mahmah in a kicing ding sum a neinailo zongh na hi khathei ding hi. Lunghimawh kei in. Na sunglam pilna in na khempeuh thei aa a kisam bangin hong makaih ding hi.

Na sunglam ah zawhna thu na kidimsak loh phamawh masa a hihna mangngilh kei in. Zing na thawhpan nitak na lup ma dong a zo ding mi na hihna pulak in. Pu laklak in. Tam veipi pulak in. Bank ah sum na nei kei ding aa na ip sungah zongh sum omlo khathei mah ding hi. Ahizongin sumlom pi na ngah thei ding hi. Hih chapter sungah thusim na mu zo hi. Mitampi in a zat khitsa hiaa a kizanglaitak leh thuman thutak a hihna mailam ahzong i ki hilh toto ding hi.

Hih thu in bangmah neilo bangmah theilo mite makai lianpi dongin koih to hi. Nang a’dingin na hong sepsak thei aa na kiphal leh na kiphal loh bek in thu hong khen ding hi. Na sepsak leh na hongsem ding hipah lel hi.

(Na deih te pulak in. Na piannop dan pulak in. Na lunggulhna te pulak in. Ka cidamna hoih semsem hi ci in. Ka mapai semsem hi ci in. Ka semthei hi. Ka nei hi ci in. Laisiangtho in ‘na kamgah na ne ding’ ‘na kampauna bang aa hong piang te sanlohphamawh hi’ ci hi.) Siamsin Library