Ka’ FB lawmte’ lungngaih pakding ~ Pu Zokhai

Ka’ FB lawmte’ lungngaih pakding ~ Pu Zokhai

Zomi-pen vaái khempeuh phial-ah tuantual phadeuh, kipilsak bilbel, uiphuk bang-a sial khekhap sung-ah haám baba theitek bilbel, mi ama’ theihloh peuhmah a-om loding-a seh, thu ama’ theih batzawhloh peuhmah a-om loding-a seh, zum na-meel theilo, mahni hong pantahte nangawn zunko ekko-a ko-ngam gaalhaang mahmahte hise-hi.

Kawlgam thuneihna buluakna hong kipat-a kipan naute khenkhat amau’ phual ciatciat pan-in dingkhia thei uh-a, naákpi tak alungdamhuai, khanlawhna tuihual lianpi khat-a I-seh kimlaai, panpih-lah panpihlo, gensia denkeei pongmawk, adang panpih gina anei-lah hituan khollo, gamdang tung tata kipilsak leh haiteng hongthuah zawzek laai… zumhuai mahmah.

Tuni D-Day ihmut theih nading thu omlo ahihman ci-in hongna telsiam un. Naute gamlak-ah singkhuah suangtum-tawh, kei ihmu phitphet theiding kahihiam? Tua kawmkaal-ah “agamtatzia-uh ento ni-e” cih ciangbeek ngaihsutna neilo, mi’ tate/tanute nungak tangvaal hunnuam nusia-a gamlak-ah akiphual mite’ ading ngaihsut theihna aneilote leitung-ah amuhdahhuai penpente ahihi.

Lai Siangtho khawng tawi ngamlaai, genngam, hi kisa khe-mahmah. Tawmbang ngaihsut huai-hi. Tuni Laimi khat’ inn-ah ka-hawh pakzalleh Chinland PDF’ ading thungetna nei zihziah uhhi. Pha-hi. Gamkuan theilote’ septheih ahihi. Na’ mipihte, na’ behte, na. awkaih kibatpihte gamlak-ah singkhuah suangtum-tawh om, nang koko, gensia, khenkhat-in lehheeklaai, bangci mihing hiding uhhiam? Hak gega-a asi mite cihloh adang omkei.

Na’ huh zawhkeileh ompeuh in. Gamlak singnuai thautawi khawng anuam hidek lohi. Lawhcing taleh lawhsam taleh sum peek-1/2 nangawn-tawh na’ uhloh ciangzong na’ haina sahlua, na’ angsung theihna lianlua, na’ duhhopna gollua hikhinhi. Tuapipi ZEISU (YESHUA)’ thu khawng gen navanglak omkei. Na’ pasian-pen dawikuungpu hi limlim dinghi- dawikungpu-pen duhhop huaihamna guipi ahihi.

More: Zomi Refugee Resettlement Cutoff ~ Pu Zokhai

Naute thungetsak ciatni. Angetsak nuamlote-in zahko nawnkei photni. Naute sum-tawh huhni. Ahuh zolote-in haza sedah mai-in ompeuh maini. Hihciang FB Lawm 5000 vaaltak kongneih teng-in hong comment le-uhcin zaanhak khopni. May D-Day bring victory! Zokhai