Judson Bible College taangko na ~ Pau Do Lian

Judson Bible College taangko na ~ Pau Do Lian

Leitung bupa om Kawlgam minamtuamtuam leh Zomi te ading Laisiangtho sang hoih khat omhi.

Burmese Bible School ci in July 2008 in Maryland State pan kipan hi. 2013 takciangin Judson Bible College & Seminary ci in Judson, American missionary masa pen Kawlgam sangmang pa minkipua sak hi.

Vision: Akibanglo ngeina (culture)lak ah akhangkhia thu um mite Pasian upna ahawm sawn ding,

Mission: sepkhiatna ahzong akician Pasian nasem leh makai picing, lungdamna thu bulphuh a Zeisu thu minam tuamtuam tekiangah tangko ding,

Objective: Gamdang namdangte lakah (adiakin peemtate lak) aa Pasian nasem dingin sapna angah te picingtak in makaih ding.

Class format: Class neihdan pen akipatcil lai in onsite tawh hi-a, Covid-19 pandemic khitciangin Zoom tawh (akisapleh onsite) class nei hi. Atamzaw nasemkawm ahih manin, Sani (Saturday) nibup in nipi sim in class kinei den hi.

Ahoih mahmah na ahangte:

1) Textbook te: Textbook te pen BILD International (USA) in Laisiangtho bulphuh – Bible-centered- in abawl, USA standard leh quality kikim aa abawlte kizang ahihman in up-to-date mahmah a tulai (21st cent) tawh kituak mahmah hi.

2) JBC leh kizawpna te: Hihsangpan in Dip, Bachelor mante pen Lancaster Bible College ah zomthei pah hi. Partner zong atuamtuam, Rockbridge Seminary, Teaching the Word, Dai, International, Evangelical Training Association, etc cihbangin kizopna (partnership) neihi. Malaysia ah zong abeisa kum in kipan ta aa USA gamsung ah zong site tampi pan in kinei thei tahi.

3) Contextualization hinapi in biblical perspective tawh kalsuan pih hi.

4) President, Dr. Thuam C. Khai hi-a, veina leh deihsakna kigawm in ama tuah khak experience tepan in pawlpi, minam deidanlo in kalsuan ahihman in mitampi huam hi.

5) Lecturer tepen qualification nei, minam tampite’ kigawmkhawm background tuamtuam tawh athuah vive hi-a, textbook leh lecture pen mangpau/lai kizang ahihman in minam nih (American-Myanmar) kikaal ah semthei dingin ngimna ahihi.

6) Theihbeh nop a omleh contact nading; [email protected] leh (443) 597-6195 te ah kidong thei hi. Regards, Pau D.Lian (Jeffrey)