Johor kumpi huangsung ah Petrol Bomb alawnphei pasal khat kiman

Johor kumpi huangsung ah Petrol Bomb alawnphei pasal khat kiman

Malaysia, Johor Baru State sung aom kumpi huangsung ah Petrol Bomb alawn pasal khat Friday nitaklam in kiman cih theStar pan kiza hi. Tuapa pen nasep kicianzong aneimello khat hi a, kum 20 khawng aphapanding pasalno khat ahihi.

Friday zanlam 11:45pm hunpawl in Johor Palace Ground ah phalna omlopi in lutsim a, Petrol Bomb kici namgimtui tawh akibawl Bomb namkhat sawnphei cihi. Hihpa pen Johor Palace ah Motorcycle tawh alut hiding in ki ummawh a, tuakhit ciangin kumpi huangsung ah alawnphei hiding kici hi.

Hih Petrol Bomb hangin asi aliam omlo, bangmah siatgawpna omlo cihi. Kumpi huang acingin aom Palace Guards te’n Minute 20 khitkhawng ciangin tuapa pen mankik theipah uhhi.

Tuapa pen alungsim amanmello khatzong hiding in ki ummawh a, Palace Guards te’n Johor Police te kiangah apsawn uhhi.

Johor Police te’n hihpa pen bangci bangin Johor Palace huangsung ah lutthei, bangci gamtat cihte thudotna nei in, kancian laiding uh cih kiza hi.

Hih Petrol Bomb akilot laitak in Johor Royal Family te kumpi huangsung ah aomleh aomlohpen ki theicianlo cihi.

More: Malaysia, Johor Baru ah mawtaw khatin Bicycle tuang khangno mi 8 taihlum in mi 8 liam

Reporters te’n Johor CID chief Senior Asst Comm Kamarul Zaman kiangah hihvai adot ciangin Incident thupiang pen amanmah hi ci’n, ahi zongin athu akician in gencianbehna neinuam nailo uhhi. ZD Sawltak #zomidaily