Jesu’ Birthday na lawmdiam? ~ Tdkhen

Jesu’ Birthday na lawmdiam? ~ Tdkhen

Mipilte In Jesu’ Birthday Bang Tawh Lawm’ Uh Hiam?

KHAM, PAKNAMTUI, MIRRAH te tawh a lawm’ uh hi. Nang zong KHAM, PAKNAMTUI, MIRRAH te tawh na lopleh mipil na hi ding hi.

KHAM:- Kham sangin a manpha zaw leh a min lian zaw dang om lo hi. Kumpite pahtawina ah kham kizang hi. Kham tawh kumpi lukhu a kizem hi. Kham piakna pen, “Jesu aw, ka kumpi hi teh” cihna ahi hi. Jesu na kumpipa-a na pomleh KHAM tawh a bia na hipah hi.

PAKNAMTUI:- Paknamtui in a muattheite, a namsia theite, nget in a nektheihte kepna dingin a kizang ahi hi. A khoisiam, a kemsiam, a hungsiam hi, kici ding hi. Siampi etsakna ahi hi. Siampite in thoihdam, zutdam, kha-khoh thei uh hi. Jesu ka damna, ka thahatna, ka kha-khohna(ka khamuanna) na hi hi, na cihleh paknamtui tawh a bia na hipah hi.

MIRRAH:- Mirrah pen siluang zutna in a kizang powder namkhat ahi hi. Jesu pen a khansih ding hi cih lahna ahi hi. Mipilte in amau’ sih cianga a zat ding uh mirrah powder tawh Jesu na bia uh hi. “Kei ma’sih ding tangin Jesu hong si hi” na cihtheihleh mirrah tawh a bia na hipah hi.

Jesu’ mai-ah khukdin inla, “Topa aw, ka KUMPIPA, ka SIAMPIPA, ka UMPA na hi hi” cithei lecin, Naungek nei Pasian in nang zong mipil hong ci ding hi. Tdkhen