Jerusalem buaina ah American mi 3 si

Jerusalem buaina ah American mi 3 si

Zanni Tuesday ni in Israel gam Jerusalem khuapi ah Palestinian mi 2 in kikhawm aom mipi te phialkapgawp uh a, mi 5 in sihlawh hi. Tua asi mi 5 lak ah mi 3 pen American gammi hi a, kikhawm thungen in aom laitak hi ci’n Fox News in genkhia hi.

Hih bangin mi 5 athahlupzawh uhpen Palestinian te kipak mahmah uh a, pawibawl lianguh cihi. Gaza City abawlsiatna hangin aphu alakik uh kici hi. ZD Sawltak

Jerusalem khuapi ah mi 4 kithat, mi 6 liam

Israel gam ii khuapi Jerusalem ah tuni Tuesday ni in buaina piang cih Fox News pan kiza hi. Jerusalem khuasung aom Jewish te kikhopna Synagogue khatah Palestinian te’n thau, temta, hei khawng tawi in va buluh uh a, thungen in aomlaitak ahi mi 4 in thahlup tuak a, adangzong mi 6 bang liam cihi.

2008 kumlai inzong hih Israel khuapi Jerusalem ah Palestinian thautawi khatin biakna vaitawh Seminary akibawlna sanginn khatah phialkapgawp a, mi 8 si ngei hi. Tua 2008 kum khitzawh tutung buaina pen Jerusalem khuapi sungah thakhat thu in mitam akithatpen hiding hi.

Israel Prime Minister Benjamin Netanyahu zong nak hehlua mahmah a, hihbang in biakpiakna neiding in aom laitak hong thahsakte pen nakpitak in kilehdo kikding hi ci’n tangko khia hi. ZD Sawltak