Japanese Princess khatin Royal hihna nusia in mimawkmawk khat teenpihding

Japanese Princess khatin Royal hihna nusia in mimawkmawk khat teenpihding

Japan kumpinu “Japanese Princess” khatin nampi hihna “Royal Status” nusia in mimawkmawk khat teenpihding cihhiau mawk hi. Apasal dingin ateelpen Restaurant khatah aki muhpihkhat hi a, Beach Tourism ah nasem khat cihi.

Princess Mako pen Japan’s Emperor ii atunu ahihi. Akhantawn a awngkaiding in ateelpen mihau milian hilo a, tuipi gei gungei ah nasem Kei Komuro akicipa ahihi. Kei Komuro pen Ski tuansiam, Violin tumsiam leh anhuan asiamkhat kici hi.

Hihpa tawh Princess Mako pen sanginn panin aki mukha uh ahihi. Japan, Tokyo City sung aom International Christian University ah sangkahkhawm uh a, tuapan in aki ngaikha uh ahihi.

Emperor Akihito ii atunu ahi Princess Mako pen nampi namlian khat hi a, ahi zongin mimawkmawk khattawh akiteenleh Royal Status kici nampi hihna pen akhahsuahding himawk hi. Royal Family panin mimawkmawk dinmun atungding himawk hi.

Hih alawm ngaihpa tawh akiteenni akipan Mako pen Princess hinawnlo dinga, Commoner khat hitading hi. Ahi zongin Mako in Princess dinmun akhahsuahding phamawh salo a, alawm ngaihpa akhahsuahding lunghimawhzaw hi.

Anu apa kiangahzong hihpa tawh aki ngaihlam genkhiakhin in, anu apa te’nzong khamzolo in thukimpih khinta uhhi ci’n NHK News te’n genkhia hi.

Princess Mako pen International Christian University panin 2010 kumin sangman hi. Tuakhit ciangin Scotland gamsung aom University of Edinburgh ah sangkahbeh leuleu hi.

2016 January khasung in University of Leicester panin Master tawh Art Museum and Gallery sangman leuleu a, mimawkmawk hetlo, Royal Family ahih banah pilna thuaptampi aneikhat ahihi.

Princess Mako pen tulaitak “University Museum of the University of Tokyoa” Researcher asep laitak ahihi.

More: Japan numei khat kum 80 aphakkhit ciangin “Porn Actress” nasep tawlnga ta

Ki itna ki ngaihna taktakpen athupi himawk hi. Nungdiak in French President angahpa thu ih simkhin hi. Ama sangin kum 24 val a upazaw nupi ta 3 aneikhinsa khat teenpihlel hi. Azi pen sangsia asemngei khat hi a, ki makaihsiam uh hidinghiam tu’n French President dingin teelcing hongngahkhia mawk hi. ZD Sawltak #zomidaily