Japan tuipi gei khatah meikanggawp, inn 140 kang

Japan tuipi gei khatah meikanggawp, inn 140 kang

Japanese Coastal City khatah zanni Thursday (Dec 22) ni in meikanggawp a, vanzuakna sumbuk leh inn akigawm in 140 bang kanggawp cih Agencies News pan kizasawn hi. Hizah inn akatgawp hangin asi kuamah omlo cibilbel a, ahi zongin mi 5 liam cih Japanese Official te’n genkhia hi.

Hih meikatna munpen Itoigawa City sung miteenna munteng hi a, zingsanglam in meikat kipan cihi. Hih khuapen Tokyo panin 230 km bang aki gamla hi a, khuasung ah mi 44,500 bang teengding kici hi. Meiphelhding in Japanese Military tezong huhna kingen a, sunthapai meiphelh uhhi. Nitaklam 8:50pm hunpawl ciangin akilawhding lauhuai nawnlo dinmun kitung a, tuapan in tawlkhat khitciang in ki phelhsiangzo cih Local Fire Department pan thuneikhat in genkhia hi.

Hih meikatna hangin mi 5 in liamlawh a, inn 363 panin khuasung mite ki hemkhiasak ci’n genbeh uhhi.

Meikat kipat hunpen zingsang 10:28am hi a, Restaurant khatpanin aki cihi. Ageinai aom Fire Station panin Fire Trucks 17 te kisam in kiphelh a, ahi zongin huihhat laitaktawh kituak sawnsawn ahih manin meikuangpen kilawh ziahziah cihi.

More: Russia in Syria ah agaldo akipan tunglampan 71,000 vei kap, Terrorist 35,000 golumta

Meikuang pen huihtawh kithuah in kithehthanggawp ahih manin, alawhding in aki ummawh hetlo avengsung pawlkhat dongah lawhgawp hi. Tuahang in meikang pen ahuaisiagawp ahihi ci’n NHK te’n pulakkhia uhhi. ZD Sawltak #zomidaily