Jack Ma le Korea khangno te ki holimna khat panin Jackma in khangno te aading deihsak thugennate
Jackma icih pen tulaitak in leitung ah mihau minthang khat ahi hi. Amah pen ahausa in suak hilo aa a hanciamna, a thumuhna tungtawn in a khangto ahi hi. Tulaitak in ama phuat khiat ahi Alibaba group pen USD39billion manpha hi ci’n ki gen hi.
1. Khialhna icih pen a lamdang metna/hamphatna hoih mahmah khat hilel hi. Na khialhkhak ding sangin na sep khakloh ding lau patau zaw hi.
2. Na khangno lai khial ngengelh lel in, patau kei in. na tuk sim thoto den peuh in.
3. Entrepreneur khat na ut leh Kum 20 na phak ma in, sangnaupang hoih khat hih sawm in. thumuhna zong in.
Kum 30 na phak ma in, mikhat kiang ah nasem in (ahkl) etteh ding mikhat nei in. Company lianpipi te sangin company neu no khat hileh hoih zaw lai hi. Company lianpi te aading nang pen setvan neuno khat hilel na hih manin bangmah khantohna neilo ding hiteh.
Bang company ah nasem cih thupi zawlo in kua boss kiang ah sem cih thupi zaw hi. Bang hang hiam cih leh boss hoihte in a naltang te hoihtak in pantah uhi.
Kum 30-40 ah ken bangsem thei, bang lam kiva, siam pen ka hiam ci’n nang le nang kisit tel in. Entrepreneur khat na ut leh hi hun pen a thupi mahmah ahi ta hi. Mihing nuntak zong kigen theilo ahih manin hoihtak ngaihsun in. Nasep laih laih non kei in. Na hih dingkhat siangtak in theitel ta in.
Kum 40-50 na kivakna, na siamna pen tawh nasep khiat kipan in.
Kum 50-60 ah khangnote tawsawn in. Na nung ah hong pai te lamlak in. Khangnote pen nang sangin thahat zaw uh hi. Amau te muangin la pantah in.
Kum 60 khen khit ciangin nang aading bek lian in hun zangta in. Leitung kimvel in gualnop khualzinna ahizongin na ut peuhpeuh sem ta lel in.
Video: Jack Ma speech in South Korea stop complaining, you can find opportunities
4. Nuntakna icih pen thumuhna (experience) tawh kilam ahi lel hi. mikhat ciat muhna/ etdan kibang lo hi. Mipawl khatte in sum hau, mihau hong ci ding uh hi. Pawl khatte in mi gilo, mi lauhuai hong ci ding uhi. Tua te pen amau muhna hilel a nang hihna hi lo hi. Mikim in ama hihna ciat a lam uh ahi lel hi.
5. Ka khansung ka kisikna tampi tak om hi. Mite tawh tam ka kikhawl lua aa, kei mimal aituam hun ka nei kei hi. Nasep ka hahkat lua a, ka innkuanpihte hun ka pia man kei hi. A zenzen in nuntakna thak kipan kik ding hileng tu aa ka nunna dan ka deih kei in. a thak in ka kipan nuam hi.
Ka zi in “nang pen kei aa hi kei teh, alibaba company aa hi teh” ci’n khitui luang in hong ci ngei.
6. Nuntakna ih cih pen tomlua mahmah hi. Mikim in ei nuntakna ciat a neitek hi hang.
7. Mite muhna ah mi gualzo, mihau khat ka hih hangin amau muhloh buaina tampi a pua zong ka hi hi. Ka company in mi 500 million aading nasep sak den hi ungh. Tua lak ah 1% mi hoihlo ci pak leng, mihoihlo awn5 bang tawh akizom kha ka hi uhi. Baih het lo hi.
8. Khangno lai na hih manun na khangno hun uh nuamtak in zatsiam un.
Nk Khanno (Zingsol)
26/6/2017 (9:20pm)
Comment piaknop aomleh...