Italy gammi khat Buddha Tattoo hangin Kawlgam pan ki hawlkhia

Italy gammi khat Buddha Tattoo hangin Kawlgam pan ki hawlkhia

Italian gammi khat akhe tungah Buddha Tattoo lim suai citciat ahih manin, Kawlgam panin ki hawlkhia Deportation kipia a, Kawlgam zong ki lutkik saknawnloding cihthu Irrawaddy News pan kiza hi. Tuesday ni in thupiang hi a, Myanmar Police te genna ah Kawlgam ii Visa Regulations tawh kituaklo ahih manin hihbang in akisem cihi.

Tua Italian gammipa minpen Mola Giannunzoo Michele hi a, kum 44 phakhin hi. Hihpa pen Kawlgam honglut in Mandalay’s Chanayethazan Township sung aom A.D.1 Hotel ah zannih agiahkhit ciangin Kawlgam pan aki hawlkhia ahihi.

Kawlgam sungah hongzinpak gamdangmi te in Kawlgam ii thukhun “Myanmar Immigration Law” azuih akul ahihi. Tua zuihding thukhun zuilo ahih manin hihbang in akisem ahihlam Mandalay’s No.6 Police Station pan Police Officer khatin genkhia hi.

Kawlgam thukhun “Section 295 of Burma’s Penal Code” sungah biakna asimmawhbawl te thongkiathei, gawtna kipiathei cih ahihi.

Hih akhetung ah akisuai Buddha Tattoo in Visa Regulation tawh kituaklo, thukham paltan ahih manin Kawlgam pan hawlkhiapah uhhi.

Kawlgam pen Buddhist Country himawk a, gamdangmi honkhatzong hihbangdan Tattoo hangin hawlkhiat thuak ngeikhin cihi.

Nungkumsung inzong New Zealand gammi khat ahi Philip Blackwood in Kawlgam ah Buddha Bar ci’n zusai khat hongbawl uhhi. Facebook tungah Buddha limkhat DJ Headphones athuahsa limkhattawh Promotion hongbawlmawk uh a, thong kidennapah hi. ZD Sawltak #zomidaily