Italy gamah numei te khasim anin paiciang ni 3 sung “Menstrual Leave” kipiading

Italy gamah numei te khasim anin paiciang ni 3 sung “Menstrual Leave” kipiading

Italy gamsung ah numei te khasim anin apai uh ciangin nasepna panin “Menstrual Leave” piading uh a, khasum kikat cihbang omloding cih thu Fox News pan kiza hi. Numei te’n khasim in nin (Period) aneih uhciangin nasa in thuaklah mahmahthei uh a, tuapen Italy gammakai te’n hehpihhuai sa uh ahih manin “Menstrual Leave” apiaksawm uh ahihi.

Western Country sungah hihbangdan “Menstrual Leave” apia omnailo ahih manin, Italy gamin azatleh amasapen “Menstrual Leave” azanggam hipahding kici hi.

Italy gam ii Parliament ah hihvai pen kikupna neikhinta uh a, numei te khasim in aninpai hunciangin ni 3 sung Day Off piading uh a, tuapen khasum kikat cihte omlo in “Menstrual Leave” kumpi phalna tawh angah liuleuding uh ahihi.

Hihbangdan “Menstrual Leave” pen akizat masakna hizenzenlo a, Asia gamsung ah kizangkhin zo hi. Japan leh Indonesia gamte’n numei te khasim in anin paihun ciangin nasepna panin tawlngakkhuan “Menstrual Leave” piakhin uhhi.

Mipil misiam Experts te genna ah tuabang in “Menstrual Leave” zatna hangin nasem numei tepen lungnoptuam bekthamlo, ninpaikawm in nasep kulloding ahih manin lemmahmahding ci uhhi.

Pawlkhat in hihbangdan in numei te khasim aninpai hunciangin “Menstrual Leave” piaksawm pen hoihmahmah hi ci’n kumpi vaihawm makai te pahtawi in phatmahmah uhhi.

Pawlkhat leuleu in hihbangdan in numei te khasim in anin paiciang “Menstrual Leave” piamawk leh Company te’n numei te nasep apianuamkei khazawdeuh uhtam ci’n alung himawhna apulak pawlkhatzong omleuleu hi.

More: “Mount Etna Volcano” meimual puakkham in ageinai aom mi 10 liam

Numei pawlkhat anin paizia uh pongman hetlo hi. Pawlkhat numei te khakhat in nihvei bang apai omthei ci a, pawlkhatte khanih, khathum bang anin apailo zong omthei cihi. Tuate bangcidan in atuatsak mawk uh tammaw hehe 🙂 ZD Sawltak #zomidaily