Italian PM in tawpding hingci

Italian PM in tawpding hingci

Dec. 5, 2016: Italian Prime Minister Matteo Renzi’ makaih Democratic Party (PD) in upadi puahphatna ding (constitutional reform) tangkpopih in zan in upadi puahphatna dingin gambup a tamzawte deihna (referendum) lakna dingin vote khia uh a, Renzi leh a pawl ten lelh hi. Hih upadi puahphatna ding lawhsapna hangin mawhpuakna khempeuh ka la hi ci hi. Italy gamte upadi pen kum 68 a upa hi a, puahphat ding a deih leh deih lo om hi.

Constitutional Reform ding a deih “Yes Camp” kici ten referendum ah point 20 val in lel hi cih a kilat phetin Renzi in zan zingin televised address ah, “Hih government adingin ka sinna panin theihna (experience) bei ta hi,” ci-in pulak hi. Renzi in tu nitak lamin cabinet meeting sam ding a, a kitawpna (resignation) lai President Sergio Mattarella tungah khia ding hi.

Renzi in a kitawpna thu a pulak manin tu zingsangin Asian trade ah Euro 1.3 per cent i.e. $1.0505 in kia suk pah a, kum khat leh alang sunga dingin Euro sum a kiatniamna pen hi lai hi (a beisa kum khat leh a lang sungin in a niam pen hunin Euro 1= $1.0518 ahi hi).

Renzi kitawpna ding hangin Euro zone sunga economy gol pen thumna Italy gamah gamvai lamsang kician lo (political uncertainty) lianpi piangsak kha thei ding hi kici hi. Tu-in opinion poll ah Democratic Party (PD) leh Euro deih lo pawl ” anti-euro 5-star Movement” kicite kisu thei mahmah uh a, kikim pian den uh hi.

More: Pope Francis leh AirAsia Company neipa kimuhkhopna neita

Tua loin Italy gam-a sumbat a hawm khia lian pen thumna Monte dei Paschi di Siena banking system ten zong tu kum sungin 5 billion euros a muh loh uh phamawh hi. Source: The Hindu/ Thang Khan Lian