Turkey gamsung aom Istanbul khuapi ah tuni Tuesday ni in Bomb puakkham cih Fox News in genkhia hi. Hih Bomb puahkhapna munpen gamdangmi Tourist te limzuak phadiakna Historic District sung hi a, mi 10 sipah a, adangzong mi 15 val liam hi ci’n kumpi thuneite in genkhia uhhi.
Hih Bomb puakkhampna ahangpen kumpi thuneite in akancian laitak hi a, ahi zongin State TRT Television te genkhiatna ah hihpen Suicide Bomb hikhading ci uhhi.
Governor’s Office panin Statement abawlkhiatna ahzong hih Bomb puakkhamvai aki kancian laitak hi cihciangbek genkhia theipan uhhi.
Tua hi a, adang Bomb puakkham khawng aomkikding patauhna tawh hihmun leh akiim apam teng Police te’n umcikpah uhhi. Hurriyet Newspaper te genkhiatna ah Bomb puahkhap hunlian pen Local Time 10:20am ahihi ci uhhi.
Erdem Koroglu kici minnei khatpen tuagei ah nasem hi a, hih apuakkham aomciang in leilak ah mi kiboksuk zihziah hi ci’n NTV Television te kiangah genkhia hi. Tua ahih manin, kua asi hi a, kua ahinglai cihzong kitheilo phial in bokpekpak uhhi cihi.
Hih munteng pen Istanbul ii etding atampen leh ahoihpen Sight-seeing Area minthang teng hi a, hihkuamsung mah ah Topkapi Palace leh Blue Mosque cihte zong aom ahihi.
Nungkumsung inzong Turkey gamsung ah Bomb tawh kikapna ahuaisia mahmah phadiak nih vei om ngei hi.
Khatveivei mipi tamdiakna, mun nopci tata zong a gim neihhuai mahmah hun omthei hi. ZD Sawltak #zomidaily
Comment piaknop aomleh...