ISIS te’n mi ngawng attan leuleu

ISIS te’n mi ngawng attan leuleu

IS te in , Syria gam ah Aug 2013, kum in Jewish America jounalist ahi Steven Sotloff(kum 31) na man uh a,tu in ahih leh a ngawng tan in that uh hi cihi.Ahih hang in US thunei te in a man leh man loh youtube pan in a etcian laitak uhhi cihi.Hih a thatna hang pen US te in IS te Iraq gam ah van lam tawh akap a hang hi ding in lam en uh hi.US te in IS te pen vam lam tawh 120 vei bang kap hi. Tu in zong Obama in Iraq ah US mite leh aneih sa te cing ding in galkap 350 puak ding in sawl hi.

Syria gam a Al-Qaeda tawh kimetmat Al-Nusra Front gamnuai mite te in Golan a om, UN galkal Fiji mi 44 te pen man in hoihtak in ka kep uh hi ci in, UN te in migi lo pawl( blacklist)nong cih na uh pan nong phiat uh leh kong khah sak ding uhhi cihi.Hih UN galkap te ka matna hang in, Israel gam acing hang uh hi cihi.UN te in a galkap te uh asuaktak sak na in ngenngen khin uh hi. Tun zong UN te in hih galkap te hotkhiat thei na ding in Golan ah Al-Nursa Front te tawh ki mu ding in pai uh hi ci hi. Hih Golan pen 1967 kum in ni 6 galkidogm lai in Israel te in Syria khut sung pan a ngah uh hi in 1200 sq km cia pha hi.

Russia galkap te in Ukrain gam a om Russia deih gam nuai mite huh ahih man in, Luhansk vanleng tual khah suak uh hi. Russia galkap te pen Ukrain gam sung ah mi1000 bang om ding in Ukrain thu nei te in gen hi. Hih ki do na hang in mi 2,593 sikhin in, mi 260000 in(2.6 m) Ukrain gam ah galtai in om in, Russia gam ah mi 814,000 in galtai in om uh hi cihi.Hih bang in Russia te gamtat na hang in NATO te in European nisuah nalam ah Russia te thuk kik na ding in, gal kap phualpi koihding ci in gen a, Russia te in zong galdo na dingin pan mun kip ka bawl ding uh hi cihi. Tu in Russia leh Ukrain te gamgi ah Russia galkap 20,000 om hi in NATO te in gen uhhi. Russia te hang im US president Obama zong Estonia, Latvia leh Lithuani gam ah hawh hi chi.Hih gam te in zong Russia te in asim ding uh lau uh hi. Ni dang in hih gam thum te pen Russia gam huam sung ah om ngei uh hi.NATO te in Russia vai leh IS te vai zong Wales a NATO kipawl te thuki kup na ding ah kikum ding in lam et uhhi.Russiate pen EU ki pawlna pan zong phiatta uhhi.

Peru gam Lima khua ah palik te in Cocain 7.7 metric tons man uh a, hih pen atam mat penpen uhhi ci hi.Hih Cocain te pen Spain gam leh Belgium gam ah puak ding uhhi cihi.

Dr.Sang Ci (SDA)pen mihau mipil khat hi in, Aizawl, MiZo gam ah teng hi a,ama Pasian na sem na hang in United Theological Research University,Study&Reseach Secumderbad(UTRU) pan International Gold Medal Award,Aug 30,2014 ni in pia hi. (World Zomi News pan)Amah pen 1990 kim pan asum bawl khawl in Pasian a ding ama sum leh paii zang in Vai gam aa milim bia te kiang ah Pasian na seem hi.Pune Uniiversity sang a om Zomi te in zong a nung zui in Pasian na sem khawm uhhi.

A ma mimal Pasian na sep na pan Kha mang thang 30,000 kim man khin ta hi.Phillipians leh Malaysia LST sangpi te pan zong Ph.d buaih na pia ngei uhhi. Ama Pasian nasemna pen Media lam te thei ding deih lo hi cihi.A hang in mipawlkhat in a buai sak khak ding lua hi cihi. A kha thang mat nate lak ah Vai mihaumahmah khat om in, tua pa pen Apu apate khang a ki pan khang 3 khang 4 dong in ahau mah mah te hi in,a tetti pan na ah ” tulai tak in Jesu leh ka hauhna te hong kitel sak leh Jesu katel zaw ding hi “ci in tetti pang hi cihi.

Taangthu tom:

Nikhat nupi khat ata nu no tawh sumbuk ah pai hi.Tua leh van zuak pa in it bang sa in pakta a, susian thawl sung a om lak in, la in maw ci in gen hi.Nu meino in ahih leh ut lo ci in gen a, van zuak pa in zong ci kik leu leu ahih man in , anu in zong za a, boih la ve susian a cih leh ut lo mah ci in dawng kik hi. Tua leh van zuak pa in zong a thawl la in naupangno susian pia hi. Inn a tung uh tak ciang naupang no kiang ah anu in bang hang in la nuam lo na hia? a cih leh nu ken la leng ka khut neu lua ahih man tawnbek ngah ding hi ven ci hi.Tun en ve, tampi tak ka ngah ve le pupu in akhut dim in hong pia hi ci in dawng hi.

Ih nungtak na ah zat thei ding.

En laleng, tawn bek ki ngah ding a, ahih hang vantung a om ii Pa in hong pia hi leh, ei te lam et sang,ih ngaihsut sang atam zaw in hong pia ding hi. Bang hang hiam cih leh Ama thupha te ihngaihsut na sang hoihzaw hi.Na ki sap nate Pasian kiang pan ngah ding in ngak in.Topa aw nang deih tawh kituak in hong pia in ci in thu ngen ni. (Moody Usury fb) Ref:Time. the star paper, Jpost, bbc. Cin Ngaih