ISIS te alianpen nihna pa US Airstrike te’n kaplum

ISIS te alianpen nihna pa US Airstrike te’n kaplum

ISIS No. 2 papen U.S. Airstrike te’n Iraq gamsung ah thatlupkhin uhhi ci’n White House in Friday ni in genkhia hi. Islamic State’s Second in Command pa minpen Hajji Mutazz hi a, Iraq gamsung Mosul acihna munah mawtaw tawh azinlaitak in August 18 ni in U.S. galvanleng in akaplum ahihi.

Hi No. 2 napa banah ISIS te ii Media Operative nasem ahi Abu Abdullah zong si cih kiza hi.

Hajji Mutazz pen ISIS sungah Senior Deputy panmun zong alenkhat hi a, ama naseppi pen ahihleh Iraq gam leh Syria gamsung tengah ISIS te zatding thauvui thuatang, apuakkhamthei Bomb van tuamtuam cihte anawn kawikawi ahihi.

Hih No. 2 napa sita ahih manin ISIS te nasepna ah adiakdiak in Finance, Media, Operation, Logistics cihte ah hamsatna tampi tuakding uhhi cihzong White House in Statement ah pulak khia hi.

ISIS te gamtatzia pen gengen kulnawnlo in ihzakzaksa leh ihtheihtheih ih muhmuhsa hi a, US kumpi inzong ahuat mahmahkhat ahihi. Iraq leh Syria gamsungteng ah mipi te nawngkaisak bekthamlo, adang muntuamtuam ahzong gamtat sialua mahmah uh ahih manin, United States leh akipawlpih Coalition Parters te’n hih ISIS Group te buluhcipding cihzong Statement sungah pulak uhhi.

Hajji Mutazz pen Iraqi National hi cihzong Pentagon Spokesman Jeff Davis in Friday ni in genkhia hi. ZD Sawltak